Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

48 orë në qeli për një ngatërrim identiteti, GJKKO liron ‘bosin’ e gabuar të ko*ainës

Politiko 27 Korrik 2025, 14:35

48 orë në qeli për një ngatërrim identiteti, GJKKO

Një gabim identiteti e çoi për 48 orë pas hekurave Ilir Lloshin, i cili u arrestua me urdhër të SPAK si pjesë e grupit kriminal që trafikoi 6 ton kokainë në Europë.

Pas verifikimit të masës së sigurisë, GJKKO vendosi lirimin e tij duke konstatuar se arrestimi ishte bërë për shkak të ngatërrimit të gjeneraliteteve dhe adresës me një tjetër person të shpallur në kërkim nga SPAK.

Para trupës gjykuese, Lloshi deklaroi se nuk ka asnjë lidhje me trafikun e drogës dhe nuk ka qenë asnjëherë jashtë vendit. Ballafaqimi me bashkëpunëtorin e drejtësisë, Erion Alibej, si dhe krahasimi me foton e të dyshuarit kryesor, konfirmuan se nuk bëhej fjalë për të njëjtin person.

Gjyqtari Erion Bani urdhëroi lirimin e tij nga qelia.

Ndërkohë, GJKKO konfirmoi masën e sigurisë “arrest me burg” për 3 biznesmenët e dyshuar si “bosët” e grupit: vëllezërit Artur dhe Klevis Hoxhosmani dhe pronarin e “Cinco”-s, Ermir Ndrejaj. Të njëjtën masë sigurie gjykata e la në fuqi edhe për dy ish-ortakët e tyre, Erion Alibej dhe Plaurent Dervishaj, të cilët janë të arrestuar edhe në kuadër të dosjes “Plumbi i Artë”.

Në seancën me dyer të mbyllura, vëllezërit Hoxhosmani mohuan përdorimin e aplikacionit të enkriptuar SkyECC, ndërsa Ndrejaj kërkoi masë më të butë sigurie duke pretenduar probleme të rënda shëndetësore. Plaurent Dervishaj, nga ana tjetër, braktisi sallën pasi u paralajmërua nga gjykata të mos fliste pa leje.

 

Të fundit