Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

5 organizata të Shoqërisë Civile letër Kuvendit, propozojnë anëtarin e Kushtetueses për President

Politiko 27 Prill 2022, 11:03

5 organizata të Shoqërisë Civile letër Kuvendit,

Pesë organizata të Shoqërisë Civile i kanë drejtuar një shkresë kryeparlamentares Lindita Nikolla, ku kanë propozuar një emër për Presidentin e ri.

Propozimi vjen pasi Kuvendi i bëri ftesë Shoqërisë Civile për t’iu bashkuar bisedimeve dhe negociatave për të zgjedhur Presidentin e ri. Në letrën drejtuar Lindita Nikollës, organizatat e shoqërisë civile i kanë propozuar emrin e anëtarit të Gjykatës Kushtetuese Përparim Kalo, tregon Panorama.

Organizatat citojnë në letër se Kalo ka një përvojë ë gjatë si jurist dhe mbart marrëdhënie të mira me ndërkombëtarët, duke shtuar edhe përvojën e tij si Konsull Nderi në Mbretërinë e Danimarkës.

“Mbështetur në përvojën e tij si jurist dhe punën në institucionet shtetërore, integritetin personal e profesional, pavarësinë nga politika dhe përkushtimin e treguar në interes të zhvillimit të vendit, në përgjigje të ftesës që ju bë shoqërisë civile për të bërë propozime, dëshirojmë të propozojmë z. Përparim Kalo si figurë me dinjitetin e duhur për të qenë President i Republikës së Shqipërisë,” thuhet në letrën e përbashkët të nënshkruar nga 5 prej organizatave të shoqërisë civile. Falë aftësive të tij profesionale e diplomatike Kalo ka ruajtur vazhdimisht marrëdhënie të ngushta me organizata kombëtare e ndërkombëtare prej vitesh. Ai ka shërbyer edhe si Konsull Nderi i Mbretërisë së Danimarkës në Shqipëri”, thuhet në letër.

Ndër të tjera, organizatat shkruajnë në letër se Kalo qëndron mbi partitë politike brenda kornizave të përcaktuara nga Kushtetuta, duke vlerësuar ndër të tjera kontributin e Kalos në kauzën e ndihmës humanitare të emigrantëve të ardhur nga Kosova në Shqipëri gjatë vitit 1991.

“Ai di të qëndrojë mbi partitë politike dhe të përputhë interesat e shtetasve me ato të politikës, por brenda normave kushtetuese, çka është me rëndësi kur kemi parasysh funksionet e rëndësishme që ushtron Presidenti i Republikës. Kalo i ka dhënë kauzës së ndihmës humanitare të emigrantëve nga Kosova të ardhur në Shqipëri gjatë luftës në vitin 1999 si dhe nënvizoi pavarësinë e tij nga politika. Ai ka qenë flamurtar në inciativat nxitëse të përgjegjësisë sociale të biznesit dhe të fushatave për fytyrën njerëzore të biznesit si dhe në luftën për mbrojtjen e mjedisit dhe atë kundër korrupsionit, Ai është personi i duhur për të mbrojtur interesat e Shqipërisë e të Shqiptarëve kudo që ata jetojnë”, argumentohet në këtë propozim.

Në dokumentin e firmosur nga shoqëria civile thuhet se: “Kalo njihet edhe si mbështetës i artit dhe për galerinë që mban emrin e tij, por edhe për mbështetjen ndaj Galerisë Kombëtare të Arteve dhe institucioneve të tjera publike. Ai është dekretuar nga Mbretëresha e Danimarkës dhe dekoruar nga Presidenti i Austrisë si dhe ka marrë çmime e vlerësime të rëndësishme brenda e jashtë vendit”.