Flash News

Tensionet në veri, KASH thirrje ndërkombëtarëve: Ruani neutralitetin dhe dënoni provokimet nacionaliste serbe

Arsenali me armë në Tiranë, gjykata lë të lirë Fatjon Muratin

Opinion/ Në cilën dhomë të shtëpisë do ta vendosje një foto të Edi Ramës?

Nuk dorëzoi formularin e dekriminalizimit, shkarkohet nga detyra drejtori i Policisë së Lezhës

Dy atentate me 4 viktima, “zbërthehet” Henrik Hoxhaj: Nuredin Dumani më premtoi 60 mijë euro

E-TJERA

50-100 euro për të kaluar personat “e ndëshkuar” nga BE, pranga inspektorin në Portin e Durrësit

Politiko 28 Mars 2023, 10:35

50-100 euro për të kaluar personat “e ndëshkuar” nga

Një 57-vjeçar me detyrë insepktor në Portin e Durrësit është vënë në pranga, pasi merrte rryfshet kundrejt kalimit të personave që e kishin të ndaluar për shkak se kishin shkelur ligjin.

Njazi Rexhepi ka marrë masën e sigurisë “Arrest me burg”, ndërsa akuzohet për veprat penale “Korrupsioni pasiv i personave që ushtrojnë funksione publike” dhe “Shpërdorim i detyrës”.

Punonjësi i policisë ndaj të cilit u ekzekutua masa e sigurimit, duke keqpërdorur atributet që i jep detyra, lejonte hyrje-dalje të shtetasve që kishin ndalesa për udhëtimin në zonën Shengen, në këmbim të vlerave monetare, të cilat varionin nga 50 deri në 100 euro. 

Njoftimi:

Agjencia e Mbikëqyrjes Policore (Rajoni Durrës-Kavajë) ekzekutoi vendimin e Gjykatës së Shkallës së Parë Durrës për caktimin e masës së sigurimit “Arrest me burg” për punonjësin e policisë, Inspektor Njazi Rexhepi, 57 vjeç, me detyrë Kontrollor në Stacionin e Policisë P.K.K. Port Durrës, pranë DVKM Durrës, i dyshuar për kryerjen e veprave penale “Korrupsioni pasiv i personave që ushtrojnë funksione publike” dhe “Shpërdorim i detyrës”.

Nga hetimet e kryera, rezulton se punonjësi i policisë ndaj të cilit u ekzekutua masa e sigurimit, duke keqpërdorur atributet që i jep detyra, lejonte hyrje-dalje të shtetasve që kishin ndalesa për udhëtimin në zonën Shengen, në këmbim të vlerave monetare, të cilat varionin nga 50 deri në 100 euro. 

Këto ndërveprime korruptive të dokumentuara gjatë hetimeve, kryheshin në mënyrë të vazhdueshme dhe të përsëritur, përfshi edhe raste të lejimit të kalimit të shtetasve të shpallur në kërkim nga organet e drejtësisë, apo automjeteve, pa ju nënshtruar regjimit doganor.

Gjithashtu, në funksion të këtij procedimi penal, Gjykata e Shkallës së Parë Durrës ka caktuar masën e sigurimit personal “Detyrim paraqitje në policinë gjyqësore” për shtetatasin E. S., 25 vjeç, i dyshuar për veprën penale të “Korrupsionit aktiv ndaj personave që ushtrojnë funksione publike”. Nga hetimet e kryera, ka rezultuar se ky shtetas, ka kryer ndërveprime korruptive me punonjësin e policisë NJ. R.

Të fundit