Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"56 mijë apartamente qëndrojnë bosh"/ PL: Tirana është shndërruar në një lavatriçe betoni

Politiko 10 Korrik 2025, 14:36

"56 mijë apartamente qëndrojnë bosh"/ PL: Tirana

Sekretarja e Përgjithshme e Partisë së Lirisë, Brunilda Haxhiu, në një deklaratë për mediat ka denoncuar situatën alarmante të banesave të pashitura në Tiranë, duke e cilësuar atë si një “masakër urbane” të organizuar nga mafia e ndërtimit me bekimin e qeverisë dhe bashkisë.

Haxhiu theksoi se ndërsa mijëra familje shqiptare vuajnë nga qiratë e larta dhe mungesa e strehimit të përballueshëm, mbi 56 mijë apartamente qëndrojnë bosh, duke dëshmuar një model kriminal urban që shërben interesave të ndërtuesve dhe oligarkëve të lidhur me pushtetin, dhe jo nevojave të qytetarëve.

Deklarata e plotë

Sot jemi përballë një situate të paprecedentë dhe një paradoksi të dhimbshëm: Nga njëra anë, mbi 56 mijë apartamente në Tiranë qëndrojnë bosh, të pashitura dhe nga ana tjetër, mijëra familje shqiptare rropaten për të përballuar qiratë e papërballueshme, jetojnë në kushte mjerimi dhe pa siguri për strehimin e fëmijëve të tyre.

Kjo nuk është krizë rastësore, por pasojë direkte e një modeli kriminal urban, të ndërtuar me vetëdije nga kjo qeveri dhe kjo bashki. Një model ku ndërtimi nuk bëhet për nevojat e qytetarëve, por për interesat e ndërtuesve të lidhur me pushtetin. Një model që i shërben vetëm pastrimit të parave, spekulimit financiar dhe klientelës së Ramës, ndërsa qytetari i zakonshëm përjashtohet, shtrydhet dhe poshtërohet.

Tirana është shndërruar në një lavatriçe betoni, në shkelje flagrante të ligjit. Me bekimin e qeverisë dhe bashkisë, janë shkelur haptazi:

Plani rregullues i qytetit, duke miratuar ndërtime shumëkatëshe në zona ku ishin parashikuar parqe apo godina të ulëta;
Ligji për Planifikimin e Territorit, përmes manipulimeve me koeficientët e ndërtimit dhe distancave nga rrugët e lagjet ekzistuese;
Parimet kushtetuese të transparencës dhe barazisë para ligjit, duke favorizuar një grusht oligarkësh të ndërtimit me lidhje direkte politike.
Ndërtohet pa plan, pa transparencë dhe pa asnjë ndjeshmëri sociale.
Ndërtohet për të ngritur kulla, jo për të ngritur mirëqenie.
Ndërtohet për të fshehur para, jo për të garantuar strehim.
Ky është realiteti i Tiranës:
Banesa që nuk jetohen, por ruhen për të fryrë pasuritë e oligarkëve.
Tenda që shemben për show mediatik, por pallate që ngrihen në çdo copë truall.
Një qytet që nuk jeton më, por vetëm zhurmon, betonon, ndot dhe shkatërron.

Kjo nuk është papërgjegjshmëri, por një masakër urbane e mirëorganizuar nga mafia e ndërtimit me bekimin e qeverisë.
Partia e Lirisë e denoncon me forcë këtë krim urban që po shkatërron jetën e mijëra qytetarëve dhe të ardhmen e Tiranës. Ne kërkojmë hetim të menjëhershëm për origjinën e fondeve në sektorin e ndërtimit. Hartim të një programi emergjent për banesa sociale dhe strehim të përballueshëm. Llogaridhënie politike dhe penale për politikat e betonizimit që kanë shpërfillur çdo normë ligjore e morale.
Qyteti nuk mund të jetë parajsë për milionerët e lidhur me pushtetin.
Qyteti duhet të jetë funksional për qytetarët!
Për të rinjtë që duan të ndërtojnë jetën në vendin e tyre, jo të ikin jashtë nga pamundësia për t’u strehuar dhe për një jetë cilësore.
Për familjet që kanë nevojë për siguri, jo për stresin e përmuajshëm të qirasë.
Boll më me fasada dhe propagandë.
Tirana u përket qytetarëve, jo mafias së betonit.