Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

6 mln dollarë për lobim, gazetari zbardh detajet e kontratës së PD: Më e madhja ndonjëherë!

Politiko 28 Prill 2025, 22:10

6 mln dollarë për lobim, gazetari zbardh detajet e kontratës

Gazetari Klodian Tomorri zbardhi detaje nga kontrata e lobimit që Partia Demokratike ka nënshkruar me kompaninë amerikane "Continental Strategy" përmes fondacionit "Make Albania Great Again". 

Ai tha në MCN se marrëveshja, e lidhur edhe me njerëz pranë Presidentit Trump, parashikon një pagesë mujore prej 250 mijë dollarësh për një periudhë dyvjeçare, duke synuar krijimin e aksesit të PD-së në nivelet më të larta të pushtetit në Uashington dhe në Shtëpinë e Bardhë. Parapagimi fillestar prej 750 mijë dollarësh është kryer, ndërkohë që kontrata lejon ndërprerjen pas tre muajsh.

Në kuadër të shërbimeve të ofruara, kompania e lobimit ka mundësuar një kontakt të drejtpërdrejtë me Dan Holler, shefin e kabinetit të senatorit Marco Rubio, i cili ka ndikim në politikën e jashtme amerikane. 
Tomorri thekson se nëse marrëveshja do të përmbushet plotësisht, ajo do të arrijë vlerën rekord prej 6 milionë dollarësh, duke e bërë atë kontratën më të madhe të këtij lloji të lidhur ndonjëherë nga një parti shqiptare me SHBA.

“Letërkëmbim, po themi, mes kompanisë Kontinental Strategjik dhe Zotit Nuredin Seci, i cili aty del si përfaqësues i një fondacioni shqiptar Make Albania Great Again dhe më pas është firmosur në datën katër prill, edhe nga sekretari i përgjithshëm i Partisë Demokratike, zoti Flamur Noka. Kontrata është e tillë, Partia Demokratike në rolin e klientit ka kontaktuar përmes atij që i thotë Fondacioni Make Albania Great Again, një fondacion shqiptaro-amerikan, një kompani lobimi të quajtur Kontinental Strategji, e cila është apo zotërohet nga njerëz që janë shumë afër Presidentit Trump kundrejt një pagese mujore prej dyqind e pesëdhjetë mijë dollarësh, me qëllim që kompania të lobojë pranë pranë qeverisë amerikane dhe pranë kongresit amerikan në emër të partisë dhe për llogari të Partisë Demokratike.

Në aspektin financiar, afati i kontratës është dyvjeçar, por brenda kontratës ka një klauzolë, e cila thotë se në rast se nga njëra nga palët dëshiron, mund ta ndërpresë kontratën pas tre muajsh, pra paguan tre muajt e parë, paguan që në momentin e nënshkrimit të kontratës, pra shtatëqind e pesëdhjetë mijë dollarë janë paguar nga Partia Demokratike ndërkohë nëse Partia Demokratike do ta ndërpresë kontratën mbas tre muajsh, nga momenti i nënshkrimit të saj, njofton pas gjashtëdhjetë ditësh, kompaninë që unë dhe kontratë ndërpritet, ndërpritet me tre muaj dhe mbetet kjo është shumë e paguar.
Sigurisht që kjo është një kontratë përmes të cilës Partia Demokratike kërkon akses në Uashington, në majën e pushtetit të shtetit amerikan, në majën e hierarkisë së shtetit amerikan.

Në qeverinë amerikane dhe në shtëpinë e bardhë, për shkak se kjo kompani që lobon do të lobojë në këtë rast është e lidhur me presidentin Trump.  Të gjithë ata njerëz janë pjesë e rrethit të ngushtë të Donald Trampit. Është avokati i tij, është vajza e shefes së tij të fushatës dhe tani është shefe e kabinetit të vet dhe ish shefi i shtabit të sekretarit të shtetit pra Marko Rubin, po dhe një nga shërbimet e para sipas kontratës që kompania e lobimit ka ofruar është për llogarinë e Partisë Demokratike. 

Ka qenë krijimi i një kontakti telefonik me Dan Holler, i cili është sekretari apo shefi i kabinetit të sekretarit Rubio, pra kontakti i parë ka qenë me sekretarin e Departamentit të Shtetit i cili, sigurisht, është njeriu që ndjek politikën e jashtme në qeverinë amerikane. 

Kjo është përmbledhtas thelbi i kontratës dhe sigurisht që këto janë kontrata të cilat, kjo nuk është kontrata e parë që bëhet nga një parti politike shqiptare në Shtetet e Bashkuara të Amerikës, potencialisht është më e madhja e bërë ndonjëherë.

Sepse nëse do të ezaurohej për të gjithë afatin e vet dyvjeçar, sigurisht që do të ishte një shumë prej gjashtë milionë dollarësh, që është që e bën atë praktikisht kontratën më të madhe. 

Por ne nuk mund ta themi dot këtë, që do të jetë 100% e realizuar, që do të jetë gjashtë milionë me 100%, sepse ka kohë realizimi të dy vjet. 

Koha e realizimit është dy vjet, por gjithmonë është instrumenti i ndërprerjes para kohës nga secila palë me vullnetin e tyre.”
 

Të fundit