Flash News

Zhduket i riu në Tiranë

Gjykata e Posaçme lë në qeli Florenc Çapjan, zbardhet dëshmia

Aksident me vdekje në Shkodër

Paraqitet në SPAK Sali Berisha

Arrestohet në Vaun e Dejës një 28-vjeçar i kërkuar nga Spanja për trafik droge

E-TJERA

7 vjet nga vdekja e Sokol Olldashit, ish-këshilltari i Berishës kujton kafen e fundit me të një ditë para aksidentit tragjik  

Politiko 19 Nëntor 2020, 16:27

7 vjet nga vdekja e Sokol Olldashit, ish-këshilltari i Berishës kujton

Mbrëmjen e 19 nëntorit të shtatë viteve më parë politika shqiptare dhe të gjithë shqiptarët mbetën të shokuar nga një aksident tragjik në segmentin e rrugës Tiranë-Elbasan, ku humbi jetën ish ministri i Brendshëm dhe i Transporteve, deputet i PD asokohe, Sokol Olldashi.

Një ngjarje e cila për ironi të fatit kishte ndodhur pikërisht në rrugën që Olldashi si ministër i Transporteve kishte kontribuar vetë të ndërtohej.

7 vjet pas ngjarjes, miqtë e të ndjerit e kanë kujtuar përmes çasteve të fundit që kanë ndarë bashkë.

Gazetari Ilir Kadia, ish-këshilltar i Sali Berishës, kujton takimin e fundit me Olldashin në një kafe të rastësishme në Tiranë.

Postimi:

Mëngjesin e një dite para se të ndodhte aksidenti u takuam rastësisht tek “Artisti “. Po pinim kafe me Ad Krastën kur u shfaq Koli me cigarishte në buzë. Hajde e pimë jashtë! Këtu s’ lejohet! Hajdeni se kam mall! -na tha e ne u çuam me qef. Biseduam nga të gjitha muhabetet nga “a” tek “zh” për gati dy orë. Sikur u rrëfyem! Unë i thosha Kolit Çërçill! Se jo vetëm i ngjante në atë foton e njohur me puro por edhe pse ishte i qartë dhe i vendosur në çthosh e bënte, si ai.
Kur u dha lajmi në televizion atë natë ferri u futa në dhomën time e qava… qava! Pas varrimit shkova vetë në vendngjarje të bindesha për çfarë kish ndodhur. E njihja shumë mirë atë vend. Kisha punuar ekonomist në kooperative në fillim të viteve 80’. Pyeta mirë e mirë! U binda! Fati i keq në një natë shekspiriane...
Tani, sa herë shkoj në varreza, kthehem medoemos tek Koli!
E shoh në sy gjatë!
Mundohem të çmallem!

Të fundit