Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Meta përkujton 76-vjetorin e çlirimit të Tiranës me fotot e rralla: Mirënjohje për qindra dëshmorë që dhanë jetën për liri!

Politiko 17 Nëntor 2020, 11:11
Meta përkujton 76-vjetorin e çlirimit të Tiranës me fotot
Foto nga lufta për çlirimin e Tiranës

Sot Tirana shënon 76-vjetorin e Çlirimit nga ushtria gjermane në vitin 1944. Presidenti i Republikës, Ilir Meta, ka përkujtuar 17 nëntorin, duke publikuar disa foto të rralla të kohës.

“Çlirimi i Tiranës ishte një kontribut i rëndësishëm për të forcuar legjitimitetin dhe besueshmërinë e Shqipërisë, si një vend i përkushtuar në Aleancën Antifashiste”, shkruan Meta në mesazh në rrjetet sociale, teksa thekson se lufta fitimtare për kryeqytetin i hapi rrugën çlirimit të plotë të Shqipërisë.

Mesazhi i plotë i Metës:

Sot, përkujtojmë me nderim të thellë dhe krenari të ligjshme, 17 Nëntorin 1944, Ditën e kurorëzimit me fitore të betejës legjendare për Çlirimin e Tiranës, kryeqytetit tonë, nga pushtuesit nazifashistë!
Lufta fitimtare për Kryeqytetin i hapi rrugën Çlirimit të plotë të Shqipërisë dhe ruajtjes së integritetit dhe kufijve të shtetit shqiptar.

76 vjet më parë, djemtë dhe vajzat partizane, bashkë me qytetarët kryengritës të Tiranës, do të realizonin një nga operacionet ushtarake më të lavdishme dhe më të suksesshme, duke i dhënë të drejtën dhe kredon brigadave partizane për të hyrë fitimtare në kryeqytet.
Për të ardhur te kjo ditë e bardhë, u desh gjaku dhe jeta në lulen e rinisë e qindra Dëshmorëve, sakrifica dhe përpjekjet e mijëra partizanëve në çdo shesh, rrugicë, barrikadë dhe shtëpi të kryeqytetit!
Çlirimi i Tiranës ishte një kontribut i rëndësishëm për të forcuar legjitimitetin dhe besueshmërinë e Shqipërisë, si një vend i përkushtuar në Aleancën Antifashiste.

Mesazhet e mëdha të lirisë, paqes dhe luftës kundër tiranisë, tingëllojnë edhe sot më aktuale se kurrë, të nderuara dhe të pacënuara nga koha dhe devijimet e mëvonshme të kauzës së lirisë të partizanëve tanë të lavdishëm.
Sot përulem me respekt ndaj Dëshmorëve të Atdheut, të cilët dhanë gjakun për Çlirimin e Kryeqytetit.
Me mirënjohje për të gjithë partizanët, sot nderojmë edhe popullin e Tiranës, që u bë njësh me çlirimtarët kundër pushtuesve, duke ndërtuar barrikadat për çlirimtarët dhe kthyer shtëpitë e tyre në fortifikata kundër pushtuesit.
Përjetë lavdi Dëshmorëve të rënë për Çlirimin e Tiranës!

Meta përkujton 76-vjetorin e çlirimit të Tiranës me fotot

Meta përkujton 76-vjetorin e çlirimit të Tiranës me fotot

Meta përkujton 76-vjetorin e çlirimit të Tiranës me fotot

Meta përkujton 76-vjetorin e çlirimit të Tiranës me fotot

Meta përkujton 76-vjetorin e çlirimit të Tiranës me fotot

Të fundit