Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

A ‘dështoi’ Procesi i Berlinit? Merkel: Ndoshta BE s'është aq e shpejtë, Rama: Rajoni e mori kthesën me “Open Balkan”

Politiko 14 Shtator 2021, 15:06

A ‘dështoi’ Procesi i Berlinit? Merkel: Ndoshta BE

Kancelarja gjermane Angela Merkel nuk e ka cilësuar si ‘dështim’ Procesin e Berlinit derisa nuk janë realizuar të gjitha proceset e planifikuara.

“Jo në fakt se konsideroj si të tillë. Nuk mendoj se është mbaruar ndërtimi i autostradave. Janë planifikuar, janë procese që janë iniciuar, kemi shkëmbime në nivel shkencor. S’ka ndodhur gjithçka. Sa i përket bashkëpunimit në nivel të organizatave joqeveritare, jam takuar me një kryetar të një organizate këtu te ju. BE ndoshta nuk është aq i shpejtë në këtë drejtim, por është në rrugë të duhur”, tha ajo.

Kryeministri Edi Rama theksoi se ‘Procesi i Berlinit’ ka nevojë për mekanizmat e duhur dhe kohën e vetë duke shtuar se tashmë rajoni i Ballkanit e ka marrë rrugën e vet me nismën e “Open Balkan”.

“Duhet ta shohim këtë proces në këndvështrim historik. Kur kancelarja na ftoi në 2014-ën, ishte hera e parë në historinë e këtij rajoni, që liderët e të gjitha vendeve uleshin në një tryezë, jo për t’u vrarë dhe as për t’u thirrur, dhe për të folur për të ardhmen. Për të vazhduare argumentin e saj, ky proces i hapi rrugë një vendosjeje të një komunikimi mes Serbisë dhe Kosovës. ‘Procesi i Berlinit’ ka nevojë për kohën e vetë, mekanizmat për t’u vënë në lëvizje, janë të avashtë. Por ama dhe ‘Ballkanin i hapur’ që sot ne e kemi si nismë të tre vendeve që synojnë të përfshijnë të 6 vendet, është rezultat i këtij procesi. Nga ndërveprimi mund të ndërtojmë të ardhmen e përbashkët. Edhe konfliktet e trashëguara, në atmosferën e Berlinit kanë mundësi më shumë për zgjidhje. Këto gjëra i kam më të lehta t’i them kur nuk është zonja prezentë. Në historinë e rajonit Merkel ka vendosur një gur kilometrik për gjenerata të tëra. Natyrisht që është legjitime që për rajonin duan t’i bëjnë gjërat më shpejt. Jemi duke luftuar me një prapambetje që vjen shumë larg. Unë nuk e quaj dështim, por vizion afatgjatë, që do të kalojë nga një qeveri në tjetrën. Kancelarja vjen nga një e shkuar që është e ngjashme me tonën. S’e kemi pasur dhe s’do ta kemi për shumë kohë dikë në lidershipin e drejtimit europian që di se çfarë është komunizmi dhe ndrydhja e lirive të njerëzve, në vetë të parë. Kjo ka bërë që qasja, jo vetëm e kancelares, të jetë një qasje unikale. Uroj që kushedi që të marrë stafetën, të shoh rajonin. Por sido që të shkojë, Rajoni e ka marrë kthesën me ‘Open Ballkan’. Ne s’do presim që të na marrin prej dore, por do ecim përkrah”, tha Rama.