Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

I dha Kim mesazh për Berishën? Meta zbardh bisedën: I thashë se shpallja ‘non grata’ pati një efekt pozitiv

Politiko 25 Shtator 2022, 12:56

I dha Kim mesazh për Berishën? Meta zbardh bisedën: I thashë

Kryetari i Partisë së Lirisë, Ilir Meta dhe kryedemokrati Sali Berisha kanë një bashkëpunim të ngushtë dhe janë shprehur në të njëjtën linjë për aksionin e opozitës kundër qeverisë.

Në konferencën që zhvilloi sot, Meta u pyet nëse ambasadorja e SHBA-së, Yuri Kim i kishte dhënë ndonjë mesazh apo rezervë për bashkëpunimin e tij me Berishën, në takimin që u zhvillua dy ditë më parë.

Meta tha se nëse Kim do të ketë një mesazh, do e thotë publikisht, por bëri me dije se kishte folur me ambasadoren për shpalljen “non grata” të Berishës. Ai deklaroi se i ka shprehur ambasadores se vendimi i SHBA për Berishën ka pasur një efekt pozitiv, sepse bëri që të largohej Lulzim Basha nga drejtimi i PD.

Meta theksoi në fjalën e tij për gazetarët se Partia e Lirisë ka programin e saj që nuk ndikohet nga ai i PD-së dhe se nuk zgjedh mes Amerikës dhe Berishës. Gjithashtu nënvizoi se e vendosi në dijeni Kim se Basha ia kishte faturuar Berishës të gjitha vendimet e tij të gabuara politike.

“Kemi pasur një bisedë shumë të hapur, konstruktive, shumë bashkëpunuese. Unë nuk mund t’u flas cilat ishim mesazhet e zonjës ambasadore se ata flasin vetë kur kanë dicka për të thënë.

Por unë mund t’ju them cfarë unë i thashë zonjës amabsadore që të jeni të qetë, se ato që them në takime të mbyllura i them dhe në takime të hapura.

Unë thashë dhe një herë mendimin tim që kam për çështjen e shpalljes ‘non grata’ të zotit Berisha. I shpreha bindjen që në radhë të parë është vepër e Bashës dhe Ramës në bashkëpunim.

Se Basha gjithë vendimet e gabuara që ka marrë, bojkoti i reformes, djegia e mandateve, falja e institicioneve të pavarura Ramës, falja e pushtetit vendor në tavolinë Rames, të gjitha këto vendime ia ka faturuar zotit Berisha.

Por njëkohësisht, seriozisht i thashë që të thotë në Uashingtion që të paktën unë e vlerësoj efektin pozitiv të këtij vendimi për të cilni as kam qenë e as jam dakort se e quaj jo proporcional, se pa një vendim të tillë do kishim sërish kryetar të PD Lulzim Bashën.

Ne nuk bëjmë zgjedhje mes Sali Berishës dhe Amerikës, mes PD dhe Amerikës, ne kemi programin tonë si Partia e Lirisë që është 100% i pavarur dhe nga PD, respektojmë vendimet që marrin anëtarët, simpatizantët nuk ndërhyjmë në proceset e zgjedhjeve të tyre dhe ne qëndrojmë programit tonë për të përmbushur detyrimet tona ndaj partneritetit strategjik me SHBA dhe për të përshpejtuar me ritme marramendëse reformat prioritare në fushën e sundimit të ligjit, krimit të organizuar dhe korrupsionit që janë kyce për anëtarësimin në BE. Nuk kemi asnjë arsye të bëjmë një zgjedhje të tillë, jemi të bindur që PD është parti e përkushtuar për tju përmbajtur parnteritetit strategjik me SHBA”, tha Meta.