Afati i skadimit të kartave ID/ Celibashi letër Drejtorisë së Gjendjes Civile, informacioni që kërkon

Foto ilustruese

Kreu i KQZ, Ilirjan Celibashi i është drejtuar sot me një letër Drejtorisë së Përgjithshme të Gjendjes Civile, ku i ka kërkuar informacion mbi numrin e kartave të identitetit dhe pasaportave të cilave u ka skaduar afati.

"Lutemi të na vini në dispozicion numrin e votueseve të cilëve u ka skaduar afati i shfrytëzimit të kartës së identitetit dhe pasaportës deri ditën të cilën do ti ktheni përgjigje kësaj kërkese.
Gjithashtu nëse është e mundur të na informoni se sa mund të jetë numri i realizimit të kërkesave të zgjedhësve për rinovim të kartës së identitetit dhe/ose pasaportës deri në datën 25 Prill 2021", thuhet në letrën e Celibashit.

Kërkesa e këtij të fundit vjen në një moment kur opozita ka kërkuar shtyrjen e afatit të skadencës për kartat ID, propozim ky që është mirëpritur edhe nga mazhoranca. Ndërkohë një ditë më parë në Parlament u votua ligji për personat, të cilët kanë mbushur moshën 75 vjeç të pajisen me karatë identiteti pa afat skandence.

Ende nuk është vendosur se çfarë do të ndodhë kartat e ID apo pashaportat që skadojnë, ndërsa na ndajnë më pak se dy muaj nga data e zgjedhjeve parlamentare.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm