Flash News

Përplasen 4 makina në Fier, dy persona të lënduar

Mbante armë në banesë! Arrestohet një person në Maliq

BIRN: Kuvendi rinis punën duke i hequr fjalën opozitës

Kontrolle në burgun e Durrësit, kapen 10 celularë, i përdornin të dënuarit

Parlamenti i ri/ 82 deputetët që do të mungojnë nga shtatori

E-TJERA

Aksident në pusin e naftës në Selenicë, nën hetim përgjegjësi i firmës mirëmbajtëse

Politiko 28 Maj 2025, 15:17

Aksident në pusin e naftës në Selenicë, nën hetim

Një aksident i rëndë në vendin e punës është regjistruar në fshatin Kocul të Vlorës, ku një punonjës 56-vjeçar është plagosur gjatë operacioneve në një pus nafte. Ngjarja ka ndodhur më 27 maj dhe sipas të dhënave zyrtare, punonjësi ka pësuar dëmtime në dorë, duke rrezikuar seriozisht shëndetin.

Menjëherë pas incidentit, Policia e Selenicës ka nisur hetimet për zbardhjen e rrethanave, ndërsa janë shoqëruar dhe marrë në pyetje personat përgjegjës në vendin e ngjarjes. Si rezultat, ndaj përgjegjësit të firmës mirëmbajtëse, shtetasit A. C., 56 vjeç, është nisur procedimi penal në gjendje të lirë për veprën “Shkelja e rregullave të mbrojtjes në punë”.

Në njoftimin zyrtar, policia thekson:
“Referuam materialet në Prokurori, ku nisi procedimi në gjendje të lirë për veprën penale ‘Shkelja e rregullave të mbrojtjes në punë’, për A. C., 56 vjeç, me detyrë përgjegjës në firmën e mirëmbajtjes së pusit të naftës në fshatin Kocul, pasi është dëmtuar në dorë gjatë punës, G. M., 56 vjeç, banues në Vlorë.”

Hetimet e mëtejshme do të ndiqen nga Prokuroria e Vlorës, me qëllim zbardhjen e plotë të shkaqeve të aksidentit dhe vendosjen e përgjegjësive ligjore.

Të fundit