Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Aksidentet/ Shefi i Rrugores: 85% vijnë nga mosrespektimi i rregullave, këmbësorët s’dinë të ecin në rrugë

Politiko 11 Nëntor 2021, 19:12

Aksidentet/ Shefi i Rrugores: 85% vijnë nga mosrespektimi i rregullave,

"85% e ngjarjeve rrugore dhe atyre me pasoja kanë ardhur si rezultat i mosrespektimit të rregullave, sinjalistikës, parakalimet e gabuara.” Kështu u shpreh shefi i Sigurisë Rrugore në Policinë e Shtetit Skënder Ismaili, teksa komentoi situatën me aksidentet në vend.

Për Report Tv, Ismaili tha se fajtor për aksidentet nuk janë vetëm drejtuesit e mjeteve, por edhe këmbësorët që sipas tij nuk i respektojnë rregullat dhe sinjalistikën. Shefi i Sigurisë pohoi se ka filluar edhe ndëshkimi për të gjithë ata këmbësorë që i devijojnë ligjeve dhe rregullave rrugore.

“15% e ngjarjeve rrugore kanë ndodhur për mosrespektim të rregullave, këmbësorët nuk e kanë fare idenë si qarkullohet në rrugë, kanë trotuaret, kanë kalimin e rrugës nga njëra anë në tjetrën, janë vendkalimet e këmbësore. Kemi pasur aksidente rrugore që kanë ndodhur mbi vendkalimet këmbësore, që nuk kanë respektuar detyrimet ndaj njëri tjetrit dhe këtu duhet të respektohen të gjithë. kaq shumë shkelje tregon se nuk respektohen rregullat e qarkulli, nga mjetet dhe nga këmbësorët. Ka filluar edhe ndëshkimi i qytetarëve, sepse është pak i vështirë për dërgimin e gjobës në adresa të duhura si rezultat i mos pasjes së një adrese të qartë, i qytetarëve nuk mbajnë me vete karta identiteti”, tha Ismaili.

Të gjykuar vazhdimisht për numrin e gjobave ndaj qytetarëve, shefi i Sigurisë tregoi se qytetarët duhet të jenë akoma më të ndërgjegjshëm.

“Policia ka përgjegjësitë e veta morale, 410 mijë shkelje përgjatë këtij viti të përdoruesit të rrugës, që nuk e kanë dhënë efektin e duhur, lë për të dëshiruar është mos zbatimi i rregullave. Ne nuk jemi në çdo rrugë, prezencë të policisë ka të shtuar, se gjithmonë sulmohet policia, qytetarët duhet të jenë të përgjegjshëm, ne jemi kritikuar se vëmë gjoba, por shkeljet janë të shumta, 5600 veta të dehur në timon, 12 mijë parakalime të gabuara, 2300 raste që nuk respektojnë sinjalet rrugore”, shtoi shefi i Sigurisë Rrugore.

Kujtojmë se kjo e enjte u shoqërua me një bilanc tragjik aksidentesh, ku dy persona humbën jetën dhe dy të tjerë u lënduan.

 

Të fundit