Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

E-TJERA

Aksidenti tragjik në Greqi, taksisti shqiptar lë pas vajzën 12-vjeçare, miqtë: Ishte njeri i ndershëm

Politiko 17 Mars 2025, 16:00

Aksidenti tragjik në Greqi, taksisti shqiptar lë pas vajzën

Një aksident i rëndë ka ndodhur në Greqi, ku një taksist shqiptar, 47-vjeçar, ka humbur jetën pas një përplasjeje me një makinë në Peristeri, gjatë orëve të para të mëngjesit të së dielës. Taksisti, baba i një vajze 12-vjeçare, ishte një njeri që kishte arritur të krijonte një jetë të bukur për familjen e tij në Greqi, duke punuar me përkushtim si taksist së bashku me gruan e tij.

Miqtë e tij janë shprehur të shkatërruar nga ky humbje tragjike, duke e kujtuar si një njeri të ndershëm dhe të palodhur, që punonte ditë e natë për të siguruar një të ardhme për vajzën e tij. "Nuk kam fjalë për atë që ndodhi me të dhe familjen e tij. Fëmija i tij do të rritet pa baba që në moshë të vogël, ndërsa gruaja e tij, një grua shumë e denjë, do të duhet të përballojë këtë humbje me të gjithë guximin që i ka mbetur," tha një mik i tij.

Aksidenti ka ndodhur kur drejtuesja 22-vjeçare e mjetit të dytë kaloi në semafor të kuq dhe përplasi me shpejtësi taksistin, i cili humbi jetën nga përplasja. Vajza, e cila mbeti e plagosur dhe po trajtohet në Spitalin Attikon, është arrestuar pasi u konstatua se kishte konsumuar alkool mbi kufirin ligjor. Ajo pritet të dëshmojë në hetuesi mëngjesin e së martës.

Ky aksident ka tronditur komunitetin dhe ka lënë pas një dhimbje të thellë, ndërsa familja e 47-vjeçarit po përballet me një humbje të pariparueshme.

Të fundit