Aksioni i RENEA-s, Anila Hoxha: U mor sërish me kundravajtësit, Gledis Nano ose po keqorinetohet, ose ka rënë policia lokale

Gazetarja Anila Hoxha ka reaguar lidhur me aksion e djeshëm të RENEA-s në rrethe, duke cilësuar si një propagandë nga forcat e policisë, të cilat sipas saj nuk po godasin ‘të fortët’, por ky repart elitar siç e cilëson ajo po përdoret për kundravajtësit.

Përmes një reagimi në Facebook, Hoxha nuk ka kursyer kritikat as për Drejtorin e Përgjithshëm të policisë, Gledis Nano, i cili sipas saj ndryshe nga sa e prezantoi veten në fillim, është i pafuqishëm për të luftuar krimin galopant në vend.

Ajo shton se nëse Gledis Nano është i pafuqishëm të kthejë policinë sepse drejtues ne qarqe ,shefa komisariatesh e krimesh jane emëruar nga influenca të caktuara, atëherë mos të pretendohet se me shfaqje sporadike, krimi po luftohet.

Statusi i plotë

Kur gabohet vazhdimisht në të njëjtën pike, atëherë nuk quhet padijeni , por dashje !!

RENEA serisht u mor me kundravajtësit. Me nje plan masash që duket se i është vënë përpara zotit Gledis Nano dhe ai e ka firmosur, u bë prapë i njëjti gabim. Në nje situatë kriminale që përsëritet me shperthime te telekomanduara, droge që gjendet pa metoda speciale, kriminele që luftojne per drogën dhe vrasin lokaleve e ambjenteve publike, zgjidhja nuk mund të jete Renea. Sepse kjo mund të trembë vetëm kundravajtësit e vegjel e të qetesojë ndonjëhere qytetarët, por në thelb nuk e godet aspak krimin e organizuar. Drejtori i Përgjithshëm me së pari duhet të kuptoje se kur nxirret Renea, ajo po del nga Reparti për të arrestuar të shumë kerkuar si Talo Cela  Nuredin Dumani , apo të shumë kërkuar  që kane kthyer ndonjë lagje te caktuar në fortesë.

 Ose Renea nxirret për të kapur sic ndodhi ne disa qytetete dy pistoleta e ca doza me droge të nivelit aspak për kete repart elitar se nuk ka nivel tjetër kriminaliteti në vend. Kë kapi Renea  më Vlorën e tritolit dhe te mafies, në Durresin e kokaines e të bossave mos prek, po në Shkodrën e kumbarëve e Elbasanin  e klaneve ? Mos kallzues krimi, tek tuk ndonjë të kerkuar me vetem 6 vite burg që e kishte harruar dhe ligji, apo ndonje aventurier lojrash fati, pa shkuar tek ata që drejtojne këtë biznes të paligjshëm dhe ekstra të organizuar

 Konkretisht emrat janë si vijon  në Nikël, Krujë: Zenel Haka, Gazmir Haka dhe Marklen Haka

Të arrestuar në Tiranë: Olsi Hasa, Alfed Ulaj, Mariglen Picari, Marjus Dosti, Aleks Delihasani, Ervis Sula dhe Lami Troci

Të arrestuar në Lezhë: Gentian Ndoj, Aleksandër Bardhoshi, Albert Marku, Jeton Locaj, Renato Gjura, Ervin Nika, Anton Kola

I arrestuar në Vlorë: Gentjano Mehmeti

Në Gjirokastër: Klement Shehu

Që të nxjerrësh Renean për kundravajtës, lojra fati e sekuestrim cipsash ka dy arsye. E para , ose zoti Nano po keqorientohet, keqkëshillohet dhe ska asgjë më dorë përkundër cka pritej dhe parashikohej se do përconte ne drejtimin e policisë. Ose është e dyta  policia lokale ka rënë, nuk besohet më, është jashtë funksioni , me shefa të blere nga gango qytetesh e të zënë peng nga paraja e zezë. Nëse është kjo, dhe nëse Gledis Nano është i pafuqishëm të kthejë policinë sepse drejtues ne qarqe ,shefa komisariatesh e krimesh jane emëruar nga influenca të caktuara, atëherë mos të pretendohet se me shfaqje sporadike, krimi po luftohet. Nëse krimi jemi ne që vendosim rripin shtrember, ai që pi alkol, ai që nuk paguan dritat, shumë mirë që shteti tregon muskujt. Por njësoj të ndodhë edhe ndaj atij që vret me bresheri kallashnikovi, narkotrafikantit, bossit që kryen kontrabandë e kujtdo frikshëm të rrezikshëm.