Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Aksioni opozitar në parlament", Salianji: E arriti qëllimin, të gjejmë forma të tjera

Politiko 23 Janar 2024, 15:24

"Aksioni opozitar në parlament", Salianji: E arriti

Deputeti Ervin Salianji, në një intervistë për A2 CNN, shprehet se tashmë protesta e deputetëve arriti objektivin për të treguar se opozitës po i mohohen të drejtat në parlament. Për këtë arsye pohon se duhen gjetur forma të reja, ku propozon takimet me qytetarët dhe protestat.

“Mendoj se ne duhet t’i qëndrojmë kërkesave që ne kemi, për komisionet hetimore, bashkë kryesimin e komisionit të reformës zgjedhore dhe për drejtimin e grupit parlamentar. Por ndërkohë duhet të diversifikojmë dhe të gjejmë forma të tjera të komunikimit me publikun dhe për imponimin në shoqëri të ideve tona. E shoh si një aksion që e ka kryer pjesën më të madhe të aksionit të vet. Tani duhet të shpejtojmë, përfshirë takime me njerëzit dhe protesta me ta”, tha deputeti.

Diskutimet brenda grupit parlamentar sa i përket strategjive të opozitës, nuk pengojnë rrugën drejt procesit të bashkimit, pohon Salianji. Finalizimi i procesit është i afërt. Salianji pranon se brenda grupit parlamentar ka diskutime rreth aksionit, ku shumë deputetë kanë qëndrime të ndryshme për vijimin apo të protestës. Por kjo, thotë ai, nuk po i pengon në rrugën drejt bashkimit, proces që është drejt finalizimit.

“Ka jo vetëm përpjekje por ka diskutime konkrete se cilat janë rrugët, unë besoj se jemi në fund të atij procesi dhe unë do bëj të gjitha përpjekjet e domosdoshme që të arrijmë të kemi një rezultat shume të shkurtër dhe pse jo të mos zgjasë më shumë se dy javë”, tha Salianji.

Procesin gjyqësor ndaj Sali Berishës nuk e shikon si një pengesë, por kërkon prej të gjithëve që ta pranojnë realitetin dhe ish-kryeministrin si drejtues të partisë.

 “Duam apo nuk duam ne zoti Berisha është konfirmuar si kryetar i opozitës me votën e qytetarëve. Ajo që të konfirmon apo të shkarkon nga një pozicion i caktuar është vota e demokratëve në këtë rast, por edhe e qytetarëve që janë të faktuar, 6 Marsi dhe 14 Maji. Ndaj unë e shoh këtë si një diçka që mund të imponohesh nga palët, imponimi bëhet me votë”, deklaroi ai.

Jashtë procesit të bashkimit të demokratëve duket se do të mbetet Lulzim Basha dhe mbështetësit e tij. Për Ervin Salianjin, Basha nuk përfaqëson më popullin opozitar por është pjesë e qeverisë, ndaj kërkon të mos ketë negociata me të.

 

 

Të fundit