E-TJERA

Akuzat e Ramës ndaj SPAK për Berishën dhe Metën, Yuri Kim: Nuk janë normale

Akuzat e Ramës ndaj SPAK për Berishën dhe Metën, Yuri Kim:

Ambasadorja e SHBA, Yuri Kim ka reaguar sërish pas akuzave të kryeministrit Edi Rama ndaj SPAK për të hetuar presidentin Ilir Meta dhe ish kryeministrin Sali Berisha

E ftuar në ‘Open’ në ‘News 24’, Kim tha se nuk janë normale deklarata nga udhëheqësit politikë, duke bërë thirrje për ndjekjen penale të individëve specifikë.

Pikëpamja e Shteteve të Bashkuara është se kur shohim reformën në drejtësi, do ta dimë se vërtet ka pasur sukses kur të mos quhet më normale apo me vend që udhëheqësit politikë, qofshin në pushtet apo larg pushtetit, por sidomos nëse janë në pushtet, të bëjnë thirrje për ndjekjen penale të individëve specifikë.

Ajo që duam të shohim nuk është përmendja e emrave specifikë, por një sistem drejtësie të ngritur dhe institucione që kanë si vullnetin ashtu edhe aftësinë për të zbatuar ligjin, barabar, për këdo, në mënyrë që askush të mos jetë mbi ligjin.

Ligji të aplikohet barabar. Ndaj, pres me kënaqësi ditën kur mund ta kemi këtë besim tek sistemi i drejtësisë i Shqipërisë, tek prokurorët dhe gjyqtarët e Shqipërisë”, u shpreh Kim.

Të fundit