Flash News

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Tri mënyra të mirëprovuara për të demontuar një autokrat

Trafikimi i qenieve njerëzore/ Zbulohen 4 laboratorë me pasaporta shqiptare të falsifikuara në Greqi

E-TJERA

Altin Dumani merr zyrtarisht detyrën e kreut të SPAK: Luftë agresive ndaj korrupsionit të zyrtarëve

Politiko 19 Dhjetor 2022, 09:13

Altin Dumani merr zyrtarisht detyrën e kreut të SPAK: Luftë

Altin Dumani ka marrë sot zyrtarisht detyrën si kreu i Strukturës së Posaçme Kundër Krimit dhe Korrupsionit.

Dumani u zgjodh disa ditë më parë në krye të SPAK në një seancë në KLP përballë kandidatëve të tjerë, Edvin Kondili dhe Adnan Xholi, me respektivisht 1 dhe 4 vota.

Në fjalën e tij gjatë prezantimit, Dumani tha se SPAK është përballur me sfida dhe vështirësi. Dumani shtoi se pas këtyre 3 viteve, SPAK do të kalojë në fazën e një lufte aggressive ndaj korrupsionit të zyrtarëve të lartë të çdo niveli.

“Për secilin prej nesh këto 3 vite kanë qenë shumë të vështira, pasi na është dashur të përballemi me shumë sfida dhe vështirësi. Pavarësisht këtyre vështirësive secili prej nesh ka patur kontributin e tij në rezultatet e Prourorisë së Posaçme, ndaj iu shpreh mirënjohjen time për angazhimet dhe sakrificat tuaja. Pas këtyre tre viteve Prokuroria e Posaçme do të kalojë në një fazë tjetër që është ajo e një lufte më agresive ndaj korrupsionit të zyrtarëve të çdo niveli dhe krimit të organizuar. Tashmë kemi një prokurori të plotë në përbërje të së cilës jemi 17 prokurorë, kemi Byronë Kombëtare të Hetimit funksionale. Kemi dhe diçka tjetër pozitive, që kemi fituar eksperiencë në këto tre vite punë”, tha Dumani.

Kush është Altin Dumani?

Altin Dumani ka qenë prokuror i SPAK i cili udhëhoqi aksionin që çoi në pranga 13 persona, mes tyre edhe gjyqtaren e Krujës Enkeleda Hoxha.

Dumani vjen nga radhët e Prokurorisë së Apelit. AI është lindur në Shupenzë të Dibrës dhe është një nga prokurorët që  drejtoi i pari njësinë Task Forcë, ngritur vite më parë për të luftuar krimin e jakave të bardha.

Dumani ka një karrierë prej 20 vitesh si prokuror. Për herë të parë, ai mori detyrën në Prokurorinë e Sarandës, për të vijuar në vitin 2000 si drejtur prokurorie në Tropojë, post që iu refuzua për shkak të çështjeve problematike.

Në vitin 2004 Dumani ka mbajtur postin e zv.drejtori të të Prokrurorisë për Krimet e Rënda në Tiranë. Në qershor të vitit 2007 Dumani uvendos në krye të Prokurorisë së Rrethit Gjyqësor Tiranë.

 

Të fundit