“Aman se s’ma mban më”, zbardhen përgjimet që çuan në burg drejtorin e Kadastrës në Berat

Zbardhet një pjesë e bisedës telefonike të Ervin Nelajt në gusht të 2020-ës, kur mbante postin e kreut të Kadastrës Shtetërore në Berat me një punonjësen e tij, pas autorizimit nga Prokuroria e Posaçme Kundër Krimit të Organizuar dhe Korrupsionit (SPAK).

SPAK nisi hetimet pas dyshimeve se Nelaj jepte leje legalizimi në këmbim të parave.

Pjesë nga përgjimet:

Drejtori: Hajde

Punonjësja: Të kujt? Aman se sma mban më se...

Drejtori: 60,65,70,75

Punonjësja: Të kujt ? Të voglin ça e ka ai, Dallavenin. Kujt të vogël mo?

Drejtori: Po ai që thoshe ti që është afër...

Punonjësja: Diskaniti.... Po dale se Diskani s’është bërë akoma

Drejtori: Po ça e ke këtë Diskanin?

Punonjësja: Akoma dhe Diskani është shkëmb. Jo Ledon, prit njëherë

Drejtori: Ç’a t’i bësh Diskanit?

Punonjësja: Se Elda tha unë e kam parë te noterja, nuk është ashtu fare

Drejtori: Mirë na mbajti ti këto se mos i prish unë

Punonjësja: Ti prish unë

Drejtori: Unë i prish

Punonjësja: Lëri një çik tek sirtari se vij i marr unë më vonë ndoshta

Drejtori: Këtu te sirtari janë, te sirtari i parë

Punonjësja: E se vij unë tani për dy sekonda me ndonjë dosje.

 

Drejtori i Kadastrës u arrestua pak ditë me parë nga policia e Beratit, me urdhër të Prokurorisë së Posaçme. Gjykata Kundër Korrupsionit dhe Krimit të Organizuar ka lënë në burg drejtorin e Kadastrës, Ervin Nelaj.

SPAK në bashkëpunim me policinë e Beratit e ka hetuar për 9 muaj kreun e Kadastrës.

Sipas institucionit të akuzës, janë siguruar prova se shtetasi Ervin Nelaj, në cilësinë e Drejtorit të Drejtorisë Vendore të Agjencisë Shtetërore të Kadastrës, Berat, në bashkëpunim me punonjës të tjerë në këtë institucion, kanë marrë në disa raste përfitime monetare të parregullta në këmbim të lejeve të legalizimeve.