Flash News

E ëma shkoi ta zgjonte, por e gjeti të vdekur! Del sot autopsia e 18-vjeçarit shqiptar

Këmbimi valutor 10 qershor, me sa shiten dhe blihen sot monedhat e huaja

Parashikimi i motit për sot

Posta e mëngjesit/ Me 2 rreshta: Çfarë pati rëndësi dje në Shqipëri

Boris Johnson jep dorëheqjen si deputet

E-TJERA

Ambasadori britanik: Në Shqipëri krimi i lidhur me politikën dhe biznesin

Politiko 28 Mars 2023, 22:06

Ambasadori britanik: Në Shqipëri krimi i lidhur me politikën dhe

Ambasadori britanik Alastair King Smith tha se krimi në Shqipëri është i lidhur me politikën dhe krimin dhe kjo është një nga problemet mes Shqipërisë dhe Anglisë.

I ftuar në Euronews Albania ai tha se krimi është problem ndërkombëtar dhe ajo që duhet të bëjmë është të përkushtohemi që këto lidhje të dobësohen në mënyrë që të kemi zgjedhje të lilra dhe të ndershme

“Po bie dakord që është problem. Mënyra e lidhjes midis politikës, krimit dhe biznesit, është problem i të gjithëve. Ndaj dhe krimi është fenomen ndërkombëtar, dhe duhet të përkushtohemi me forcat tona për dyfishimin e përpjekjeve dhe njerëzit duhet të shohin dhe të sigurohemi që këto lidhje të dobësohen dhe të kemi zgjedhje të lira dhe të ndershme dhe politika te përfaqësojë njerëzit”,tha Ambasadori Alastarit King Smith.

Alastair King-Smith u bëri thirrje shqiptarëve që të zgjedhin rrugët ligjore për të shkuar në Britani. Ai u shpreh se disa ditë më parë Ministria britanike e Financave shpalli një numër të vendeve të punës në sektorin e ndërtimit, që siç tha mund të shfrytëzohen nga shqiptarët duke aplikuar për viza pune.

“Ju e keni dëgjuar thirrjen time dhe qeveria britanike e ka bërë të qartë. Ata të cilët kërkojnë të shkojnë drejt Mbretërisë së Bashkuar duhet të aplikojnë për viza. Ende nuk besohet por vitin e kaluar mbi 90% e aplikantëve kanë marrë vizat e tyre. Njerëzit ende besojnë se të marrësh një vizë britanike është tejet e vështirë. Derisa mund të përgjigjesh me ndershmëri pyetjeve të sistemit online për aplikim, mbështetur edhe me dokumentacionin që kërkohet nuk ka mundësi për refuzim, prandaj 90% arrijnë të përfitojnë viza. Kjo shifër përfshin jo vetëm viza turistike apo studentore por edhe viza pune. Unë do të doja të shihja me tepër aplikime për viza pune dhe që shqiptarët të punojnë në mënyrë efektive. Përpara 10 ditësh, Ministria e Financave britanike, shpalli një numër të vendeve të punës në sektorin e ndërtimit. Kjo do të thotë se një numër i madh shqiptarësh që punojnë në këtë sektor në Mbretërinë e Bashkuar mund të aplikojnë për viza pune. Ne i nxisim njerëzit që të zgjedhin rrugën e ligjshme dhe të mos rrezikojnë në udhëtime të vështira dhe të paligjshme”, u shpreh ambasadori.