Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ambasadorja e BE: Shqipëria të shfrytëzojë potencialet, punë më të mira dhe të paguara më mirë

Politiko 12 Shtator 2022, 11:37

Ambasadorja e BE: Shqipëria të shfrytëzojë potencialet,

Ambasadorja e Delegacionit të Bashkimit Evropian në Shqipëri, Christian Hohmann, e pranishme në Kongresin Kombëtar të Arsimit u shpreh se Shqipëria duhet të shfrytëzojë të gjitha potencialet e brendshme dhe ndihmat nga jashtë, për t’i ofruar një arsim gjithëpërfshirës.

Hohmann tha se vetëm BE-ja ka dhënë mbi 100 milionë euro në mënyrë që shqiptarëve t’iu garantohet arsimimi dhe nxënia e njohurive të duhura për të gjitha gjuhët e ndryshme.

Ambasadorja e BE0-së nënvizoi se nëse Shqipëria do të duhet të jetë në një linjë me unionin, ka nevojë për punë më të mira dhe të paguara më mirë.

“Kur flasim për Shqipërinë flasim për atë si vend brenda BE. Me këtë gjë që sapo ka filluar do të kemi mundësi shumë të mëdha për Shqipërinë. Kjo do të përshpejtojë procesin e anëtarësimit në BE.

Për ju do të thotë punë më të mira dhe të paguara më mirë. Ne të gjithë e dimë që anëtarësimi në BE nuk ka për të ndodhur sot për nesër. Këta fëmijë, të rinj varen te shkollat e tyre në mënyrë që shkollat t’i japin instrumentet e duhura për tu përgatitur në jetë. Anëtarësimi në BE do të thotë edhe një fokus gjithnjë e më shumë te ekonomia e gjelbër dhe digjitale. Ky tranzicion do të sjellë më shumë vëmendje pune dhe do të jetë në qendër të politikave tona. Arsimi në Shqipëri duhet t’i japë individëve aftësitë e duhura, të specializuara dhe njohuritë për të gjitha gjuhët e ndryshme.

Shqipëria duhet të përdorë gjithçka që vjen nga jashtë dhe të shfrytëzojë potencialin që ka nga brenda. Të krijohen udhëheqës të bizneseve jo vetëm për të krijuar ende pune por edhe për t’i bindur shqiptarët se e ardhmja e tyre është në Shqipëri dhe jo jashtë vendit.

Arsimi do të thotë gjithëpërfshirje. Të gjithë shqiptarëve u duhet dhënë kjo mundësi.  Duke ndihmuar qytetarët e vet Shqipëria shtron rrugën për një shoqëri më të begatë. Ne kemi dhënë më shumë se 100 milion euro në mënyrë që këto çështje të bëhen realitet”, tha Hohmann.

Të fundit