Flash News

E-TJERA

Ambasadorja Yuri Kim takim me kreun e SPAK: SHBA pret të ndiqet penalisht krimi dhe korrupsioni

Ambasadorja Yuri Kim takim me kreun e SPAK: SHBA pret të ndiqet penalisht
Foto Ilustruese

Ambasadorja e SHBA-ve në Tiranë, Yuri Kim ka zhvilluar një takim me kreu e SPPAK, Arben Kraja.

Në një postim në Twitter, ambasadorja amerikane bën me dije se SHBA-ja kërkon që SPAK të ndjekë penalisht krimin e organizuar dhe korrupsionin, teksa thekson se kjo duhet të arrihet pa marrë parasysh pushtetin, pasurinë apo partinë.

“U takova me kreun e SPAK, Arben Kraja për të nënvizuar pritshmërinë e SHBA-së që SPAK do të ndjekë penalisht korrupsionin dhe krimin e organizuar - pa marrë parasysh sa i fuqishëm apo i pasur, pavarësisht se cila parti. Me më shumë prokurorë dhe hetues të rinj të NBI, SPAK po jep gjithnjë e më shumë rezultate çdo ditë. Që nga fillimi i vitit 2021, SPAK ka hapur 264 raste të reja (218 korrupsion + 46 krime organizative). 127 persona janë dënuar. Vendimet përfundimtare të gjykatës konfirmuan konfiskimin e € 70+ milion që tani i janë transferuar shtetit shqiptar. Hap pas hapi…”, shkruan Yuri Kim në Twitter.

Të fundit