Flash News

SHBA tërhiqet nga negociatat e paqes midis Ukrainës dhe Rusisë

Shprehja e zv/Presidentit Vance shpërndarë nga Ambasada Amerikane: Ku e tha, në ç’kontekst, dhe si lidhet me Shqipërinë

Foto/ Gjysmë i zhveshur dhe i gjakosur, momenti kur shoqërohet autori i vrasjes në Shkodër

Vrasje në Shkodër, turisti vret me thikë gruan, qëllon edhe veten

Zgjedhjet e 11 majit/ Ambasadori i BE takim me Celibashin

E-TJERA

Amnesty International kundër marrëveshjes për emigrantët Shqipëri-Itali

Politiko 19 Janar 2024, 20:13

Amnesty International kundër marrëveshjes për emigrantët

Amnesty International Itali ka deklaruar se është thellësisht e shqetësuar për ndikimet e mundshme negative të protokollit në mbrojtjen efektive të të drejtave të njeriut. Gjithashtu fton institucionet italiane të abstenojnë nga ratifikimi dhe zbatimi i marrëveshjes së emigrantëve mes Italisë dhe Shqipërisë.

“Zbatimi i protokollit do të ketë pasoja të panumërta negative në të drejtat e njeriut, në veçanti për sistemin e kërkim-shpëtimit në det. Për të drejtën e azilit dhe për garancitë procedurale për të mbrojtur njerëzit në kushte të cenueshme, si dhe për lirinë personale të azilkërkuesve dhe emigrantëve”, deklaroi Anneliese Baldaccini, menaxhere e marrëdhënieve institucionale në Amnesty International Itali.

Projektligji që ratifikon protokollin Itali-Shqipëri për forcimin e bashkëpunimit në çështjet e migracionit është në qendër të një debati në Itali. Zgjatja  e panevojshme e udhëtimit, përveçse përbën një shkelje të standardeve ndërkombëtare të kërkim-shpëtimit, sjell vuajtje shtesë për njerëzit që sapo janë shpëtuar nga deti, shpesh edhe të traumatizuar nga mbytja e njerëzve të tjerë ose që kanë nevojë për ndihmë urgjente.

Kjo marrëveshje mund të ketë ndikime të mëtejshme negative në sistemin e kërkim-shpëtimit, duke përkeqësuar situatën tashmë kritike në Mesdheun qendror dhe duke vënë në rrezik shumë jetë njerëzish. Nëse zbatimi i juridiksionit italian premton akses në garancitë procedurale dhe të drejtën për azil sipas ligjeve italiane dhe evropiane, distanca fizike mund të rrezikojë aksesin në këto garanci.

Qeveria deklaroi së fundmi se ata që konsiderohen të pambrojtur do të qëndrojnë në bordin e anijeve, ndërsa personat e tjerë do të zbresin në Shqipëri, për t'u çuar më pas në Itali.

Të fundit