Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Amnistia fiskale, Sejko: Duhet të shmanget rreziku i pastrimit të parave dhe fshehja e të ardhurave

Politiko 5 Tetor 2022, 16:47

Amnistia fiskale, Sejko: Duhet të shmanget rreziku i pastrimit të

Guvernatori i Bankës së Shqipërisë Gent Sejko ka komentuar nismën e propizuar nga qeveria për amnistinë fiskale.

Në një konferencë për shtyp, Sejko tha se që nisma të jetë e suksesshme, duhet të shmanget evazioni fiskal dhe paratë e ardhura nga krimi apo korrupsioni.

“Banka e Shqipërisë e sheh me kosto dhe benefite. Ka si objektiv rritjen e fuqive financiare, formalizimin e ekonomisë. Amnistia fiskale do të kishte ndikim të mirë sepse do ndihmonte buxhetin e shtetit. Ne kemi theksuar se opioni i BSH duhet shmangur rreziku i pastrimit të parave.

Sigurisht që kemi theksuar që nisma duhet bërë e studiuar në mënyrë që të jetë një instrument në drejtim të përmirësimit të ekonomisë dhe për të shmangur evazionin fiskal pra nuk duhet bërë në formë të vazhdueshme. Nëse plotësohen këto BSH e sheh si normalizim të ekonomisë dhe rritjen e buxhetin.

Drafti po rishikohet, drafti është duke u punuar. Ka patur një draft të parë, ku kemi dhënë opinionet tona. Opinioni i BSH është thënë dhe në kuvend, pra BSH e shikon amnistinë fiskale në radhë të parë në funksion të normalizimit të ekonomisë. BSH ka synim rritjen e përfshirje financiare, duke futur paratë që janë jashtë sistemi brenda sistemit.

Ajo do sillte likuiditete të shtuara në ekonomi dhe buxhet më të madh të shtetit. Kostot janë rreziku i pastrimit të parave, gjë që duhet shmangur me patjetër, si dhe paratë që vijnë nga kriminaliteti. Ajo duhet të jetë e studiuar.

Amnistia duhet parë si një rinisje nga 0, por jo diçka e vazhdueshme, me qëllim që të luftohet dhe të mos lejohet më fshehja e të ardhurave. Në rast se ky objektiv realizohet, e shohim positivisht me këtë nisëm, pasi do sillet rritje të qarkullimit monetar nga jashtë sistemit brenda sistemet bankar.’- tha Sejko.

Po ashtu, Këshilli Mbiëkqyrës i Bankës së Shqipërisë rriti sot normën bazë të interesit me 0.5 pikë përqindje, duke e çuar në 2.25%. Kjo është rritja e katërt e e aplikuar gjatë këtij viti dhe tashmë norma bazë e interesit ka arritur nivelin më të lartë që prej vitit 2014.

Këshilli Mbikëqyrës vendosi gjithashtu të rrisë më tej me gjysmë pikë normën e interesit të depozitës njëditore nga 0.75% në nivelin 1.25% si dhe normën e interesit të kredisë njëditore tnga 2.75% në 3.25%.

Gent Sejko tha se sërish presionet e jashtme inflacioniste po rezultojnë më të forta dhe më të qëndrueshme nga sa parashikohej.