Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Analisti: Opozitës po i mohohen të drejtat, edhe fjala është masakruar

Politiko 16 Prill 2026, 21:16

Analisti: Opozitës po i mohohen të drejtat, edhe fjala është

Analisti Lutfi Dervishi argumenton se burimi kryesor i tensioneve në parlament nuk është opozita, por “qëndrimi kokëfortë dhe arrogant i shumicës”, e cila po i mohon opozitës të drejtat themelore kushtetuese.

I ftuar në A2 CNN, Dervishi kundërshtoi akuzat e politikanit socialist Petro Koçi, duke theksuar se mazhorancës i ka ardhur duke ia “masakruar” edhe të drejtën e fjalës opozitës.

Sipas Dervishit, opozita sot është në kushtet kur nuk i miratohet asnjë nismë ligjore, i mohohen komisionet hetimore dhe interpelancat parlamentare, si dhe sheh institucionet e pavarura të mbushen vetëm me kandidatë të shumicës. “Pra, nuk ka absolutisht asnjë të drejtë brenda hapësirës kushtetuese,” pohoi ai.

Analisti vuri në dukje edhe standardet e dyfishta në dënimin e deputetëve, ku masat ndëshkimore zbatohen rreptësisht ndaj opozitës, ndërsa anashkalohen rastet flagrante nga deputetët e mazhorancës. Kjo, sipas tij, ka krijuar një “parlament të çekuilibruar”, i cili ruan inercinë e periudhës 2019-2021, kur funksionoi praktikisht pa opozitë.

 Dervishi e përshkroi qasjen e qeverisë si “arrogancë në kurriz të vetes”, duke argumentuar se interesi strategjik i mazhorancës duhej të ishte arritja e një konsensusi me opozitën për të avancuar me reformat e integrimit evropian.

“Interesi i shumicës ishte që SPAK-u këto dy-tre vite të mbyllte një sy, një vesh, ndoshta edhe gojën, dhe të kishte një konsensus të madh me opozitën për hir të një shansi historik,” tha ai, duke shtuar se në vend të kësaj, mazhoranca zgjodhi rrugën e përplasjes.

 Dervishi theksoi se fajin nuk mund t'ia atribuojmë thjesht njërës apo tjetrës palë. Problemi thelbësor, sipas tij, qëndron te mazhoranca, e cila jo vetëm që nuk respekton rregullat ekzistuese të lojës politike, por edhe i ndryshon ato në mënyrë të njëanshme.

“Burimi i tensionit është kur ti je në një lojë dhe kërkon të ndryshosh rregullat e lojës. Për më tepër, nuk i respekton ato,” përmbylli analisti.

Të fundit