Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Ankthi dhe depresioni shtohen gjatë dimrit, mjekia psikiatre: Mungesa e vitaminës D, bën që qeliza nervore 'të vuajë'

Politiko 6 Shkurt 2025, 09:08

Ankthi dhe depresioni shtohen gjatë dimrit, mjekia psikiatre: Mungesa e

Në dimër çrregullimet mendore bëhen edhe më të shpeshta.

Mjekja psikiatre, Irena Thoma tha se kjo periudhë ka shtuar numrin e pacientëve dhe sidomos të atyre që kanë pasur ankth më parë.

"Është e vërtetë. Ka shtuar numrin e pacientëve dhe sidomos të atyre që kanë pasur ankth më parë. Në përgjithësi çrregullimet emocionale, çrregullimet psikiatrike, e kanë një karakter stinor. Janë bërë shumë studime për të kuptuar se përse ndodh kjo, çfarë ndodh me personat dhe pse është kaq specifike kjo ndarja mes stinëve dhe pse është shprehur gjendja e ankthit kryesisht në periudhën e dimrit.

Kjo për faktin se në periudhën e dimrit, mungon sasia e diellit. Dielli është ai që ndihmon në sintetizimin e një vitamine, që quhet vitamina D. Dhe vitamina D është një mikroelement shumë i rëndësishëm për mirëfunksionimin e qelizës nervore sidomos, të qelizës së trupit në përgjithësi, por dhe të qelizës së trurit në veçanti.

Mungesa e kësaj vitamine bën që qeliza nervore të vuajë dhe ajo të prezantojë gjendjen e ankthit. Prandaj në eksperiencën time të përditshme, unë kam parë pacientë të cilët kanë gjendje ankthi, kur u kërkohet që të bëjnë nivelin e vitaminës D në gjak, rezulton që është e ulët. Dhe lidhet pikërisht me këtë karakteristikë", ka thënë doktoresha.

Të fundit