Antidroga godet edhe policinë, Ambasada e SHBA-ve u beson më shumë qytetarëve se institucioneve: Njoftoni direkt DEA-n

Ambasada e Shteteve të Bashkuara të Amerikës, në Tiranë ka reaguar një ditë pas operacionit të antidrogës i kryer nga Drejtoria e Hetimit Antimafia e Barit dhe SPAK, me ndihmën e Interpolit, Drejtorisë Kombëtare Antimafia dhe Antiterrorizëm të Romës, ku u lëshuan 52 urdhër arreste për trafik ndëkrombëtar droge, pastrim parash dhe shpërdorim detyre.

 Ambasada e SHBA-ve u ka bërë thirrje qytetarëve shqiptarë që të njoftojnë direkt DEA-n nëse kanë informacione për trafik droge, duke e nxjerr “jashtë loje” SPAK.

Në këtë vendim mund të ketë ndikur edhe numri i lartë i punonjësve të policisë që janë arrestuar për shkak të shëbrimit të tyre ndaj bandave të trafikut të drogës dhe grupeve të strukturuara kriminale.

Vetëm në operacion e fundit tëd rjtuar nga antimafia italiane dolën të përfshirë 2 punonjës policie.

Mesazhi:

Linja e sinjalizimit të Agjencisë së ShBA Kundër Narkotikëve është aktive. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në ËhatsApp në: +1 571 502-7846 ose me email në: [email protected]. Të gjitha të dhënat do të mbahen të fshehta. Falënderimet tona për të gjithë ata individë që kanë dorëzuar të dhëna të besueshme që kanë mbështetur operacionet e DEA-s. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me të, me qëllim mbrojtjen e qytetarëve të të dy vendeve tona dhe parandalimin e hyrjes së drogave të paligjshme në Shtetet e Bashkuara.

The U.S. Drug Enforcement Administration’s Tip Line for Albania is active. The DEA encourages anyone ëith information about drug trafficking or the laundering of drug proceeds to share information ëith DEA personnel on ËhatsApp at: +1 571 502-7846 or by email at: [email protected]. All information ëill be kept confidential. Our thanks to those individuals ëho have submitted credible tips that have supported DEA operations. The United States is committed to ëorking ëith Albania to combat drug trafficking and related money laundering, in order to protect the citizens of both our countries and prevent the floë of illegal drugs into the United States.

Kujtojmë që  Drejtoria e Hetimit Antimafia e Barit dhe Autoritetet Shqiptare, me ndihmën e Interpolit, Zyrës së Ekspertit të Sigurisë së Tiranës dhe Policisë Shqiptare, si pjesë e një Ekipi të Përbashkët Hetimor, kanë lëshuar, me udhëzime të Drejtorisë së Qarkut Antimafia të Barit dhe Zyrës së Prokurorit të Posaçëm për Korrupsionin dhe Krimin e Organizuar të Tiranës, 52 urdhër arreste, për trafikim ndërkombëtar të sasive të mëdha të narkotikëve, pastrim parash dhe shpërdorim detyre.

Masat e lëshuara në kuadër të operacionit URA në dritën e hetimeve të kryera nga DIA e Barit midis shtatorit 2021 dhe qershorit 2022, kanë lejuar mbledhjen e provave kundër të dyshuarve, shqiptarë dhe italianë, që i përkasin në Itali dy shoqatave kriminale me qendër në Puglia dhe në Shqipëri, pjesë e një grupi të fuqishëm të organizuar kriminal me qendër në Durrës.

DIA, në lidhje me sasitë e mëdha të heroinës dhe kokainës të lëvizura, duke filluar nga viti 2016, midis Ballkanit, Evropës Veriore, Amerikës së Jugut dhe Pulias, ka dokumentuar ekzistencën e një bashkësie interesash midis grupit kriminal në Shqipëri, përgjegjës - në nivel transnacional - për tregtimin dhe transferimin e drogës, dhe dy shoqatave kriminale që vepronin në Bari, të cilat, nga ana tjetër, kryenin operacionet e "prerjes" dhe paketimit në blloqe, furnizonin me shumicë organizatat në Bari, Brindisi dhe Lecce të interesuara për të marrë heroinë dhe kokainë - me cilësi - që vinin përkatësisht nga Turqia dhe Amerika Latine.

Teksa fliste për megaoperacionin “Ura”, në kuadër të të cilit u lëshuan 52 urdhër arreste, kreu i SPAK Altin Dumani është pyetur se pse u zhvillua kjo lëvizje pas zgjedhjeve të 11 Majit.

I zënë ngushtë nga pyetja, Dumani tha se data e zhvillimit të operacionit nuk ka të bëjë me zgjedhjet, por me dakordësinë që është arritur mes autoriteteve shqiptare dhe atyre italiane.

“Nuk ka të bëjë fare me zgjedhjet, ne veprojmë si skuadër edhe datën e dakordësojmë së bashku. Kushtëzohemi nga njëri tjetri në lidhje me dinamikën e hetimit, me marrjen e vendimit nga gjykata si dhe përgatitjen për ekzekutim të masave të sigurimit. Është një operacion ndërkombëtar, nuk zhvillohet vetëm në Shqipëri, por edhe në vende të tjera, ku edhe tani që po flasim po bëhen përpjekje për të lokalizuar dhe kapur anëtarë të grupit. Kështu që ajo që është e sigurt është një datë e dakordësuar me policinë italiane dhe Eurojust”, tha Dumani.