Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Anulohet vizita e kryeministrit grek në Shqipëri, arsyeja

Politiko 6 Dhjetor 2022, 09:01

Anulohet vizita e kryeministrit grek në Shqipëri, arsyeja

Kryeministri grek Kyriakos Mitsotakis nuk do të vijë në Shqipëri, sikurse ishte paralajmëruar. Arsyeja e anulimit të vizitës janë kushtet atmosferike.

“Për shkak se fluturimi me helikopter nuk është i mundur për shkak të kushteve atmosferike, vizita e planifikuar e kryeministrit Kyriakos Mitsotakis është shtyrë dhe do të zhvillohet në një datë të mëvonshme”, shkruajnë mediat greke, referuar njoftimit të qeverisë.

Ai do të vizitonte Shqipërinë së bashku me ministrin e Jashtëm, Nikos Dendias dhe zëvendësministrin e Punëve të Jashtme, Kostas Fragogiannis.

Mitsotakis do të takohej me kreun e qeverisë Edi Rama si dhe do të vizitonte zona në Shqipëri, ku ka minoritet grek.

Gjithashtu do të takohej edhe me kryepeshkopin Anastas. Pak ditë më parë në Greqi ishte kryediplomatja Olta Xhaçka, e cila takoi homologun Dendias dhe ndër të tjera diskutuan për çështjen e detit. Por nuk u dhanë detaje nga diskutimet për këtë çështje të rëndësishme.

Qeveria shqiptare dhe greke kanë vendosur që kjo çështje të zgjidhet nga Gjykata e Hagës me kërkesë të Athinës zyrtare.

 

Të fundit