Flash News

Helmimi masiv në kopshtin e Gramshit, Prokuroria e Elbasanit nis hetimet

Tentuan të vrisnin një 58-vjeçar me sëpatë në Fier, arrestohet babai, në kërkim djali

Shpërthim me lëndë plasëse në një lokal në Berat

Përfshihet nga flakët makina në ecje në aksin Fier-Lushnje

Shuhet në moshën 86-vjeçare regjisori i njohur Piro Milkani

E-TJERA

Apeli e la të lirë, Gjykata e Lartë rikthen në burg Lul Berishën. Si ndërhyri Dako për ta punësuar në bashki

Politiko 7 Dhjetor 2021, 16:27

Apeli e la të lirë, Gjykata e Lartë rikthen në burg Lul

Gjykata e Lartë ka rrëzuar vendimin e Gjykatës së Apelit në Durrës dhe ka vendosur rikthimin në qeli të Lulzim Berishës, i cili njihet si truri i “Bandës së Durrësit”, një organizatë kriminale përgjegjëse për disa krime të rënda.

Berisha u lirua nga Gjykata e Apelit në vitin 2016, ndonëse i kishin ngelur dhe 5 vite burg për të kryer.

Ai është dënuar me burgim të përjetshëm më 16 janar 2012 për disa krime të rënda si kreu i ish-bandës së Durrësit. Më pas, Gjykata e Lartë në 2014 e dënoi me 25 vite burg.

Berisha duhet të kryejë edhe 5 vite dënim të mbetur, pasi është dënuar si ish-drejtues i Bandës së Durrësit.  

Organizata e drejtuar prej tij akuzohej për vrasjen e Dritan Sallakut, Viron Currit e Arjan Pajës, Marsel Sotirit, Dritan Dishës dhe Ervin Lames.

Në vitin 2016 Gjykata e Apelit Durrës pranoi kërkesën e tij për të vijuar me shërbim prove pjesën e mbetur të dënimit. Në një nga shkresat që mbështesnin pretendimin e tij për lirim ishte edhe një e firmosur nga ish-kryebashkiaku i Durrësit, Vangjush Dako, i cili thoshte se do ta punësonte në një nga drejtoritë e Bashkisë.

 

 

 

Të fundit