Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Apeli i GJKKO lë në fuqi 'arrestin me burg' për Ilir Metën

Politiko 30 Janar 2026, 13:48

Apeli i GJKKO lë në fuqi 'arrestin me burg' për Ilir

Gjykata e Posaçme e Apelit për Korrupsionin dhe Krimin e Organizuar ka vendosur të lërë në fuqi masën e sigurisë “arrest në burg” për ish-presidentin e Republikës, Ilir Meta.

Vendimi u mor pas shqyrtimit të kërkesës së Metës për zëvendësimin e masës së sigurisë me një masë më të butë, kërkesë e cila u rrëzua nga trupa gjykuese.

Ilir Meta ndodhet në paraburgimin 313 në Tiranë që prej tetorit 2024, pas arrestimit të tij më 21 tetor të po atij viti.

Ai po hetohet nga Prokuroria e Posaçme për tre çështje të ndara, që përfshijnë aferën CEZ-DIA, lobimin e LSI-së në Shtetet e Bashkuara të Amerikës, si dhe një hetim të thelluar pasuror.

Sipas SPAK, Meta dhe ish-deputetja Monika Kryemadhi dyshohen se, në bashkëpunim me njëri-tjetrin dhe me funksionarë të tjerë shtetërorë, kanë shfrytëzuar postet e tyre shtetërore dhe politike për të favorizuar kompani private.

Hetimet dyshohet se përfshijnë disa episode të shtrira në kohë, duke nisur rreth 15 vite më parë, ku përfshihen veprimtari lobimi në SHBA, si dhe transaksione për shitblerje banesash, në këmbim të përfitimit të shumave të konsiderueshme parash.

Sipas akuzës, këto të ardhura janë tentuar të fshihen përmes mosdeklarimit në institucionet përkatëse, përfshirë ILDKPI-në dhe Komisionin Qendror të Zgjedhjeve.

 

Të fundit