Flash News

Parlamenti i ri/ 82 deputetët që do të mungojnë nga shtatori

“I refuzojmë dy ekstremet”, ambasada amerikane në Tiranë ndan fjalimin e Zv.Sekretarit të Shtetit

U dënua me 1 vit burg, Ervin Salianji kërkon liri me kusht

Detaje nga shpërthimi në burgun e Fushë Krujës, lënda plasëse u hodh pranë gjeneratorit

Shpërthim me tritol brenda rrethimit të burgut të Fushë-Krujës

E-TJERA

Apeli nuk ndryshon dënimet, babai i Fatjon Bicit: Të merren masa ose do e zgjidh vetë!

Politiko 12 Dhjetor 2024, 14:46

Apeli nuk ndryshon dënimet, babai i Fatjon Bicit: Të merren masa ose

Gjykata e Apelit ditën e sotme ka lënë në fuqi vendimin e Gjykatës së Shkallës së Parë në Elbasan për dënimin e 4 autorëve të mitur që janë shpallur fajtor për vrasjen e 15-vjeçarit, Fatjon Bici, ngjarje kjo e ndodhur më 16 Maj të vitit 2023 në Gramsh.

Më 29 Prill të këtij viti, Gjyakata e Elbasanit i dënoi me 70 vite burgim në total 4 të miturit, por për shkak të moshës dhe gjykimit të shkurtuar ata u dënuan përfundimisht me 46 vite e 6 muaj në total.

Gjatë seancës së sotme në Apel, familjarët e viktimës kërkuan që të mos pranohej gjykim i shkurtuar, por kërkesa nuk u pranua.

Me vendimin e sotëm të Apelit i rikthyen në qeli dhe autori i dyshuar i krimit, Ergi Karaja dhe një nga bashkëpunëtorët, pasi prej rreth një jave ndodheshin nën masën e sigurisë “arrest në shtëpi”, për shkak se ishin tejkaluar afatet e masës së sigurisë arrest me burg.

Pas seancës në Apel, Mustafa Bici, babai i viktimës Fatjon Bici u prononcua për mediat, ku deklaroi se nuk është dakord me vendim e dhënë. 

“Unë quhem Mustafa Bici, jam babai i Fatjonit. Kam një vit e gjysmë që vij në këto dyer edhe prapë nuk gjeta drejtësinë me gjyqin që u dha këtu në Tiranë. Ngeli dënimi që dha gjykata e Elbasanit. Unë me këtë nuk jam dakord. Çfarë është 18 vite burg për kriminelin? A është e drejtë kjo? Aq më keq që mua më vranë për së dyti. Krimineli pas asaj të shkoj ta bëj gjumin te i ati, kurse im bir tretet në dhe. Këta këtu i japin Po vendimit të Elbasanit. Nuk jam i kënaqur me dënimin që kanë dhënë ata.

Dua dënim sa i takon, 27 vjet sa i takon atyre, jo ulje dënimi. Të marrin masa se unë do bëj gjë tjetër. Siç i bën çunit tim. Pse kështu qenka shteti? A është e drejtë të bëhet kjo?  Nuk kam bërë gjë se kam pritur drejtësi, por nëse nuk zgjidhet do bëj atë që fola” – deklaroi ai.

Më konkretisht, autori i dyshuar i krimit, Ergi Karaj, u dënua 27 vite, por do të vuaj 18 sipas gjykimit të shkurtuar. Ndërsa bashkëpunëtori i tij, shtetasi O.Ç. u dënua me 21 vite burgim dhe nga gjykimi i shkurtuar do të vuajë 14 vite burg.

I mituri tjetër Xh.Ç u dënua nga Gjykatame 12 vite burg, por me gjykim të shkurtuar iu ul në 8 vite, ndërsa shtetasi S.M. u dënua nga gjykata me 10 vite burg dhe me gjykim të shkurtuar do të vuajë 6 vite e 8 muaj burg.

Ngjarja e rëndë u shënua vetëm pak metra larg shkollës, ku katër të miturit i kishin bërë pritë kushëririt të Fatjon Bicit, me të cilin ishin konfliktuar në rrjetet sociale. Të pajisur me thika dhe doreza forcuese grushti sulmuan kushëririn e Fatjonit, ndërsa ky i fundit ndërhyri për t’i ndarë, por u godit me thikë në zemër dhe mbeti i vrarë.

Të fundit