Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Aplikimet për viza, ambasada gjermane njofton: Nga 1 tetori pranohen vetëm dosjet e plota

Politiko 4 Tetor 2021, 10:18

Aplikimet për viza, ambasada gjermane njofton: Nga 1 tetori pranohen

Ambasada gjermane në Tiranë ka njoftuar të gjithë shqiptarët lidhur me procedurat e aplikimit në sektorin e vizave. Sipas ambasadës, prej datës 11 tetor do të pranohen vetëm dosjet e plota me të gjitha dokumentet e nevojshme për aplikim.

Në rast se aplikanti dorëzon një dosje të paplotë, pasi i është mbajtur tarifa, aplikimi i tij do të refuzohet. Njoftimi i ri i ambasadës vjen pas problemeve me dosjet aktuale të dorëzuar ku mungojnë një seri dokumentesh nga ana e aplikantëve.

Njoftimi i plotë:

Një informacion i rëndësishëm nga sektori i vizave

Sektori i Vizave bën me dije si vijon: që prej datës 01.11.2021 do të pranohen vetëm dosje të plota aplikimi me të gjitha dokumentat e nevojshme (shih fletën përkatëse të informacionit në faqen tonë të internetit).

Aplikimet e paplota do të refuzohen pasi të jenë mbajtur tarifat përkatëse. Bllokojeni në kohë takimin tuaj, nëse e dini që në momentin e paraqitjes nuk i keni të gjithë dokumentat.

Ky ndryshim është i nevojshëm pasi aktualisht rreth 80% e aplikimeve janë të paplota, pra dosjet dorëzohen ndërkohë që u mungojnë dokumenta, e kjo do të thotë për të gjithë aplikuesit kohë më të gjata pritjeje për një takim dhe afate më të gjata përpunimi.

Përmes procedurës së re ne mund ta përpunojmë më shpejt aplikimin tuaj, për t’ua përcjellë më pas atë autoriteteve kompetente në Gjermani.

 

Të fundit