Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ardi Veliu emërohet drejtor i Agjencisë së Mbikëqyrjes Policore

Politiko 2 Shtator 2022, 18:45

Ardi Veliu emërohet drejtor i Agjencisë së Mbikëqyrjes

Pas lirimit nga detyra si zv.ministër i Infrastrukturës dhe Energjisë, Ardi Veliu rikthehet sërish në strukturat e policisë.

Veliu është emëruar sot Drejtori i Agjencisë së Mbikëqyrjes Policore (AMP), i cili zëvendëson në këtë post zotin Muhamet Rrumbullakun, njofton Ministria e Brendshme.

“U prezantua sot Drejtori i ri i Agjencisë së Mbikëqyrjes Policore (AMP) Ardi Veliu, i cili zëvendëson në këtë post zotin Muhamet Rrumbullaku.

Ish-Drejtori Rrumbullaku drejtoi Agjencinë me rezultate të larta në një proces reformimi, duke u shndërruar në një strukturë më civile në ushtrimin e kontrollit dhe mbikëqyrjen e Policisë së Shtetit, Gardën e Republikës dhe Shërbimin Zjarrfikës.

Falë punës këmbëngulëse dhe intensive të AMP nën drejtimin e z. Rrumbullaku, Agjencia ka kaluar përmes një procesi transformues duke u shndëruar në pararojë e zbatimit të ligjit në kuadrin e goditjes së fenomeneve negative si paligjshmëria dhe korrupsioni në rradhët e punonjësve të Policisë së Shtetit.

Rezultatet e arritura nga AMP gjatë kësaj periudhe, e kanë bërë Agjencinë një nga institucionet më të mbështetura nga publiku sa i përket reagueshmërisë dhe zbatimit të ligjit.

Drejtor Veliu emërohet në krye të AMP pas një përvoje të gjatë menaxheriale në strukturat e Policisë së Shtetit, si dhe detyrës si zv.ministër i Infrastrukturës dhe Energjisë. Ai u angazhua për vijimin e punës, në thellimin e reformave të nisura”, thuhet në njoftimin e ministrisë.

Para postit si zv.ministër, Veliu ka mbajtur postin e Drejtorit të Policisë së Shtetit, i cili pasi u largua nga zëvendësua nga Gledis Nano. Edhe ky i fundit u shkarkua pak ditë më parë nga detyra.

Të fundit