E-TJERA

Arkitekti denoncon me foto: Pse po dëmtohet seriozisht minarja e xhamisë së Et'hem Beut në qendrën e Tiranës

Arkitekti denoncon me foto: Pse po dëmtohet seriozisht minarja e

Astrit Seranaj, arkitekti dhe një nga aktivistët e Aleancës për Mbrojtjen e Teatrit denoncon me foto se si po dëmtohet minarja e xhamisë së Et'hem Beut në qendrën e Tiranës.

Në një reagim në rrjetet sociale, arkitekti shkruan se dëmtimi nuk ka ardhur si pasojë e lëkundjeve të tërmetit të një viti më parë, por prej punimeve që janë kryer dhe po kryhen tek zona historike ngjitur me Sahatin e Tiranës dhe xhamisë së Et'hem Beut.

Denoncimi:

Megjithëse prej shumë kohësh i është nënshtruar procesit të restaurimit, në projekt nuk është i pasqyruar detaj për ndërhyrje në këtë pjesë, pra dëmtimi është i kohëve të fundit.(shih fotot e projektit).

-Nuk është as pasojë e lëkundjeve të tërmetit të një viti më parë. Nëse do të qe kështu do të ishin marr masa të menjëhershme sepse dëmtimi është shumë serioz dhe kërkon ndërhyrje emergjente.

-E gjitha është pasojë e punimeve që janë kryer dhe po kryhen tek zona historike ngjitur me Sahatin e Tiranës dhe xhamisë së Et'hem Beut..

-Ndërhyrja me mjetet e rënda për realizimin e katër kateve nëntokë me pilotë kanë shkaktuar lëkundje të forta tokësore, njëkohësisht dhe ndryshimet e ngarkesave për shkak të rëndesave të mëdha të betonit kanë shkaktuar ulje dhe për pasojë kanë dëmtuar minarenë.

Arkitekti denoncon me foto: Pse po dëmtohet seriozisht minarja e

Arkitekti denoncon me foto: Pse po dëmtohet seriozisht minarja e

Arkitekti denoncon me foto: Pse po dëmtohet seriozisht minarja e

Ky është shkaku

-Ja përse zona historike nuk duhej të reduktohej, për t'iu hapur rrugë në këtë mënyrë ndërtimit të kullave shumëkatëshe pranë monumenteve të kulturës..

-Ja përse reduktimi i zonës historike pa një raport tekniko -shkencor nga këshilli kombëtar i restaurimit, siç e përcakton ligji sjellë këto pasoja të pariparueshme.

-Dhënia e lejeve me firmë të Kryeministrit për të ndërtuar kulla me parat e mafies në zonat e mbrojtura shkatërron trashëgiminë dhe monumentet tona historike.

Ky është një krim i pafalshëm.

Dikush duhet të mbaj përgjegjësi, dhe të ndëshkohet për këtë.

Shënim: Xhamia e Et'hem Beut gëzon statusin "Monument Kulture kategoria e l. shpallur më 17 mars 1948.

Arkitekti denoncon me foto: Pse po dëmtohet seriozisht minarja e

 

Ditari politik

Të fundit