Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

Arrestimi i çiftit, flet gjyshi i 2-vjeçarit: Do i var me duart e mia!

Politiko 12 Korrik 2024, 18:34

Arrestimi i çiftit, flet gjyshi i 2-vjeçarit: Do i var me duart e

Policia e Lushnjës ka ndaluar një çift , pasi kishin postuar në rrjetin social TikTok video me përmbajtje të rënda pornografike me djalin e tyre 2-vjeçar.

Një gjë e tillë ngriti shqetësimin e policisë, duke çuar në ndalimin dhe arrestimin e tyre.

Gjyshi i fëmijës, Genci ka deklaruar se nuk është njohur me asnjë fakt apo pamje.

Ai theksoi se nëse djali i tij e ka kryer vërtetë një akt të tillë, atëherë duhet patjetër të mbahet në burg.

“Deri tani, e kam të rëndë, sepse nuk i kam fëmijët me këto gjëra të tilla. Policia nuk më ka dhënë asnjë fakt, asnjë video. Nëse unë do e dija që fëmija im abuzon me fëmijën e vetë, unë e var me duart e mia. Unë dua faktet, ku janë? Unë s’kam asnjë lloj fakti.

Shkoj në polici dhe policia na përzë se jemi shtresë e ulët. Nuk kam çfarë shpjegimi të jap. Që të arrijë djali im në këtë gjendje, nuk e di. Unë për atë fëmijë, kemi dhënë jetën tonë, jepnim gjak 2 herë në muaj për atë fëmijë.

Vetëm për të rritur fëmijët e për ti kaluar në një shtresë më të mirë. Jam i stresuar, dua drejtësi ndaj fëmijës. Edhe shteti të vejë dorën në zemër, unë dua fakte për fëmijën. Dua të më sjellin video.

Kanë lënë një fëmijë të vogël mbrapa. Fëmijën e kemi ne. Unë për atë fëmijë do jap jetën time. Erdhën punonjësit social, bënë foto djalit, fëmijës. Unë djalin nuk e lëshoj nga duart”, tha ai.

Të fundit