Flash News

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Shifrat/ Vlora, qarku me pjesëmarrjen më të ulët në votime

Erion Veliaj voton në ambientet e paraburgimit të Durrësit

KQZ nxjerr shifrat: Sa qytetarë kanë votuar deri në 14:00, si renditen qarqet

E-TJERA

Arrestimi i Kajmakut ‘zgjon’ Apelin, ç'po ndodh me çështjen e ish-kryebashkiakut për falsifikim

Politiko 14 Qershor 2022, 10:42

Arrestimi i Kajmakut ‘zgjon’ Apelin, ç'po ndodh me

Ish-kryebashkiaku i Vlorës, Agim Kajmaku, u arrestua pak ditë më parë në Itali pasi u kap me 20 kilogramë lëndë narkotike kokainë.

Arrestimi i Kajmakur duket se ka vënë në lëvizje pas shumë kohësh Gjykatën e Apelit, e cila ka reaguar sot për çështjen e tij në Apel. Akuzat që rëndonin ndaj Kajmakut për veprat penale “Falsifikimi i vulave, i stampave, ose formularëve”, “Falsifikimi i dokumenteve zyrtare”, kryer në bashkëpunim si dhe “Kryerja e funksionit pas dhënies fund të tij”, u rrëzuan në 30 dhjetor të vitit 2021.

Sipas njoftimit të gjykatës, prokurori i çështjes ka kërkuar 9 muaj burg për Kajmakun, ndërsa ish-kryebashkiaku është liruar nga akuzat.

Apeli ka pushuar çështjen e Kajmakut me argumentin se “nga provat e paraqitura nga organi i prokurorisë nuk provohet se ka konsumuar të gjithë elementët objektiv e subjektiv të marrë së bashku, që kjo vepër penale të konsiderohet e kryer”.

“Ndaj këtij vendimi është ushtruar ankim nga organi i akuzës me objekt: “Ndryshimin e Vendimit Penal Nr. 3549, datë 30.12.2022, të Gjykatës së Rrethit Gjyqësor Tirane, lidhur me procedimin penal nr. 8185 viti 2019, në ngarkim të të pandehurit A.K., përsa i përket fajësisë së të pandehurit për veprën penale të “Falsifikim i vulave, stampave ose i formularëve”, parashikuar nga neni 190/1 i K. Penal” dhe dosja gjyqësore në datë 08.02.2022 është përcjellë për gjykim pranë Gjykatës së Apelit Tiranë.”, thuhet në njoftimin e gjykatës.

Të fundit