Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

Arrestimi i mjekut të Traumës/ Shoqata e Anestezistëve: Aq me bujë, s’ka ndodhur as me kriminelët

Politiko 24 Shtator 2022, 16:56

Arrestimi i mjekut të Traumës/ Shoqata e Anestezistëve: Aq me

Shoqata e Anestezistëve dhe Reanimatorëve ka reaguar pas arrestimit të mjekut Fitim Marku dje në Spitalin e Traumës, pasi u kap duke marrë ryshfet nga pacientët.

Në një postim në Facebook, shoqata shkruan se respekton veprimet e organeve ligjzbatuese, por arrestimi i mjekut u bë me bujë sikurse nuk ka ndodhur as në rastet kur janë vënë në pranga kriminelë të rrezikshëm apo zyrtarë të akuzuar për korrupsion.

Shoqata shton se mjeku mund të ishet paraqitur në organet përkatëse edhe me një fletëthirrje.

Postimi i plotë:

Shoqata e Anestezistëve dhe Reanimatorëve të Shqipërisë po ndjek me shumë vëmendje rastin e ndalimit të kolegut tonë anestezist në Spitalin e Traumës, Fitim Marku. Ndërkohë që mbështesim cdo veprim të organeve ligjzbatuese për hetimin dhe ndëshkimin e cdo shkeljeje të kryer nga kushdo gjatë ushtrimit te detyrës, shprehim shqetësimin tonë për mënyrën denigruese të ndalimit të mjekut. Pamje të tilla, të bëra publike, ku mjeku me uniformë shoqërohet nga policë të maskuar nuk i shërbejnë askujt që kërkon me të vërtetë përmirësimin e shërbimit shëndetësor në vend. Vlen të kujtojmë se operacione të tilla, të organizuara me kaq bujë mediatike, nuk i kemi parë as në rastet e ndalimit të kriminelëve të rrezikshëm apo zyrtarëve të lartë të akuzuar për korrupsion të përmasave të mëdha! Jemi të sigurt që kolegu mjek do të ishte paraqitur pranë organeve përkatëse edhe me një fletëthirrje të thjeshtë. Të mos harrojmë as vijën shumë të hollë që ndan simulimin gjatë hetimit dhe provokimin, gjë që ata që organizojnë operacione të tilla e dinë shumë mirë. Urojmë që kolegu të provojë pastërtinë e figurës së tij, nëpërmjet një procesi të drejtë ligjor!

Të fundit