Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Arrestohen 13 shqiptarë për trafik d*oge në Spanjë, sekuestrohen mijëra imë marijuanë dhe para cash

Politiko 1 Tetor 2024, 10:24

Arrestohen 13 shqiptarë për trafik d*oge në Spanjë,

Autoritetet spanjolle kanë arrestuar 13 shqiptarë të dyshuar për trafik droge. Sipas mediave ndërkombëtare, banda operonte në disa komuna të provincave të Barcelonës dhe Tarragonës. Gjatë operacionit policor u konfiskuan 1,397 bimë marijuanë, fidanë dhe rreth 6,885 euro në para cash.

Policia spanjolle ka bërë të ditur se grupi kriminal ishte mirëorganizuar me një strukturë hierarkike të përcaktuar qartë dhe përqendrohej në kultivimin dhe shpërndarjen e marijuanës. Plantacionet e drogës kishin një kapacitet prodhues prej rreth 2,000 kilogramësh, të vlerësuara në treg midis 4.5 dhe 5.5 milionë euro.

Sipas burimeve të Gardës Civile, një nga tiparet dalluese të këtij rrjeti ishte rekrutimi i punëtorëve nga Shqipëria, të cilët më pas transferoheshin në Katalonjë dhe vendoseshin në shtëpi luksoze në Barcelonë. Një prej këtyre shtëpive, e vendosur në një zonë ekskluzive të kryeqytetit, shërbente si bazë fillestare për anëtarët e rinj, të cilët pas trajnimit, angazhoheshin në mbikëqyrjen dhe menaxhimin e plantacioneve të shpërndara në të gjithë rajonin.

Kjo qasje i mundësonte bandës të ruante kontrollin mbi operacionet e saj dhe të minimizonte rrezikun e vjedhjeve, duke përdorur individë të rekrutuar direkt nga Shqipëria, të cilët nuk kishin kontakte me vendësit dhe nuk mund të jepnin informacione mbi vendndodhjen e plantacioneve. Kjo shmangte konfliktet me grupet e tjera kriminale dhe zvogëlonte rrezikun e dhunës, një element i zakonshëm në tregun e drogës në Spanjë.

Të fundit