Flash News

Video/ Revoltë në burgun e Korfuzit, shqiptarët dhe gjeorgjianët i vënë flakën qelive

Aksident te “Shkalla e Tujanit” në Tiranë, një makinë përmbyset pas përplasjes

KPA shkarkon nga detyra gjyqtaren e Tiranës, Ardiana Bera

Mos humbni fytyrën/ Pas 'kërcënimit të Ramës, kandidatët e PS tërheqin kërkesën nga KQZ

VIDEO/ Atentati në Durrës, momenti i vrasjes së 29-vjeçarit Ermir Dedja

E-TJERA

Arrestohen 38 persona për komplot në Venezuelë, mes tyre edhe një shqiptar

Politiko 20 Maj 2025, 21:18

Arrestohen 38 persona për komplot në Venezuelë, mes tyre edhe

Autoritetet venezuelase kanë arrestuar 38 persona nën dyshimin për përfshirje në një komplot për destabilizimin e vendit, vetëm pak ditë para zgjedhjeve rajonale dhe legjislative të planifikuara më 25 maj. Mes të arrestuarve është edhe një shtetas shqiptar, Enid Kasmi, i cili sipas mediave lokale, akuzohet se ka marrë pagesa nga Shtetet e Bashkuara për të kryer veprime të dhunshme dhe destabilizuese.

Sipas informacioneve zyrtare, 21 nga të ndaluarit janë shtetas venezuelas, ndërsa 17 të tjerë janë të huaj, përfshirë shtetas ukrainas, meksikanë dhe një shqiptar. Lajmi është konfirmuar edhe nga vetë presidenti Nicolas Maduro, i cili në një deklaratë publike lëshoi akuza të drejtpërdrejta ndaj "mafies shqiptare".

“Mafia shqiptare, që sundon Ekuadorin, dërgoi disa nga mercenarët e saj të trajnuar për të vendosur bomba në Venezuelë. Mafia shqiptare është kapur, i kemi, u janë sekuestruar tre telefona dhe po flasin,” deklaroi Maduro.
Po ashtu, ministri i Brendshëm i Venezuelës, Diosdado Cabello, denoncoi një tentativë të re sulmi të organizuar, sipas tij, nga opozita ekstremiste, me qëllim destabilizimin e vendit dhe sabotimin e procesit zgjedhor. Emrat e përmendur për përfshirje në komplot përfshijnë Iván Simonovis, ish-oficer i Forcave të Armatosura, Arturo José Gómez Morante, si dhe anëtarja e njohur e opozitës, María Corina Machado.

Gjatë një konference për shtyp, autoritetet e sigurisë njoftuan se një grup tjetër me 8 persona vendas është kapur në posedim të pajisjeve shpërthyese, të cilat përfshijnë të ashtuquajtur “detonatorë elektrikë”.

Ngjarja ka shkaktuar reagime të shumta dhe pritet të ndikojë në klimën politike të vendit teksa afrohen zgjedhjet. Deri tani nuk ka një reagim zyrtar nga autoritetet shqiptare lidhur me arrestimin e Enid Kasmit.

Të fundit