Flash News

Arrestohen dy persona në Vlorë, kapen me lëndë narkotike të ndarë në doza gati për shitje

Gjyqi për vrasjen e Martinit, Babai i Luis Meçes përplaset me prokuroren: Po flini gjumë me dosjen

Aksidenti në Astir/ Makina merr zvarrë një person te vijat e bardha

Celibashi: Platforma e KQZ ra pre e disa sulmeve kibernetike të organizuara gjatë zgjedhjeve

Përndjekje dhe profile false në rrjetet sociale, disa të arrestuar e të proceduar në Tiranë

E-TJERA

Arrestohen dy persona në Vlorë, kapen me lëndë narkotike të ndarë në doza gati për shitje

Politiko 22 Maj 2025, 15:42

Arrestohen dy persona në Vlorë, kapen me lëndë narkotike
Dy persona janë arrestuar nga Policia në Vlorë dhe Sarandë, pasi u kapën në flagrancë me doza lëndësh narkotike, të dyshuara si të destinuara për shitje.

Në pranga ranë E.A., 18 vjeç, banues në fshatin Çukë të Sarandës, dhe A.R., 33 vjeç, banues në qytetin e Vlorës. Sipas njoftimit zyrtar të Policisë, arrestimi i tyre është rezultat i një operacioni të organizuar nga Specialistët për Hetimin e Narkotikëve të DVP Vlorë, në bashkëpunim me Policinë e Delvinës dhe Forcën e Posaçme “Shqiponja”, bazuar në informacionet e siguruara në rrugë operative.

Gjatë kontrolleve fizike, shtetasit E.A. iu gjetën disa doza të lëndës së dyshuar narkotike kokainë, që dyshohet se i posedonte për t’i shitur në qytetin e Sarandës. Ndërkohë, A.R. u kap me doza të kanabisit, të përgatitura për shpërndarje në zona të ndryshme të Vlorës.

Lëndët narkotike u sekuestruan si provë materiale, ndërsa materialet procedurale i janë referuar prokurorive përkatëse, për veprime të mëtejshme ligjore, nën akuzën për “Prodhim dhe shitje të narkotikëve”.

Policia e Vlorës thekson se operacionet për goditjen e veprimtarive kriminale në fushën e narkotikëve do të vijojnë pa ndërprerje.

Të fundit