Flash News

Zyrtare/ Massimiliano Allegri është trajneri i ri i Milan

Do të verifikohet vula e fletëve, të hënën hapet kutia e parë e 11 Majit

Trafik armësh Kosovë-Shqipëri, sekuestrohen pistoleta dhe automatikë, 10 të arrestuar

Posta e mëngjesit/ Me 2 rreshta: Çfarë pati rëndësi dje në Shqipëri

Përplasen 4 makina në Fier, dy persona të lënduar

E-TJERA

Arrestohen dy shqiptarë në Zvicër, kapen me kokainë dhe mijëra franga cash në një hotel

Politiko 29 Maj 2025, 19:34

Arrestohen dy shqiptarë në Zvicër, kapen me kokainë dhe

Policia italiane ka zbuluar një rast të trafikimit të drogës pas një kontrolli të thjeshtë rrugor në zonën e Chiasso-s, pranë kufirit me Zvicrën. Gjatë ndalimit të një makine me targa të Ticinos, e marrë me qira, agjentët vunë re sjellje të dyshimta nga drejtuesi i mjetit  një 34-vjeçar me origjinë shqiptare.

Në vijim të kontrolleve, policia vendosi të kontrollonte edhe vendin ku ai qëndronte: një hotel në Morbio Inferiore. Gjatë bastisjes, efektivët gjetën sasi të konsiderueshme kokaine të ndarë në doza, gati për t’u shpërndarë në tregun vendas. Në dhomë u sekuestruan gjithashtu edhe disa mijëra franga, të cilat dyshohet se janë përfituar nga shitja e drogës.

Në momentin e ndërhyrjes, në dhomë ndodhej edhe një tjetër shtetas shqiptar, vetëm 19 vjeç. Të dy u arrestuan në vendngjarje dhe ndaj tyre rëndon akuza për shkelje të rëndë të ligjit federal mbi narkotikët.

Hetimet kanë zbuluar se 34-vjeçari kishte kryer udhëtime të shumta në rajonin e Luganos dhe drejt Italisë, gjithmonë me makina me qira – një praktikë që dyshohet se ishte pjesë e strategjisë për të shmangur gjurmimin nga autoritetet. Dyshohet se aktiviteti i tyre kriminal kishte nisur disa muaj më parë dhe ishte i organizuar në mënyrë të qëndrueshme.

Të fundit