Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Arrestohet miku i Çapjave, Klajdi Dokli shërbeu si informator në vrasjen e babë e bir në Elbasan

Politiko 9 Nëntor 2020, 19:38

Arrestohet miku i Çapjave, Klajdi Dokli shërbeu si informator

Klajdi Dokoli, miku i familjes Çapja në Elbasan është vënë në pranga. Mësohet se, Dokli është i përfshirë në vrasjen e babë e bir, Gentian dhe Nezir Beqiri, ngjarje kjo e ndodhur në 15 gusht 2020 në Elbasan.

Dokoli dyshohet se ka pasur rolin e informatorit, pasi në periudhën kur ka ndodhur ngjarja ka qenë banor i lagjes ku jetonin Gentian dhe Nezir Beqiri, duke vëzhguar çdo lëvizje të tyre, dhe më pas informonte anëtarët e familjes Çapja.

Shqiptarja.com thotë se ai është pyetur për disa persona në Elbasan si Ervis Bardhi, Etien Cani, Jorgo Leku të ndaluar për vrasjen e babë e bir, por Dokoli ka treguar se nuk ka njohur asnjë nga këta persona dhe asnjë anëtar të familjes Çapja.

Gjatë momentit të intervistimit në polici, Dokoli ka pohuar se nuk ndihej mirë nga ana shëndetësore, ndaj dhe ka kërkuar që ta dërgonin për vizitë tek një mjek. Por mësohet se kjo kërkesë është refuzuar.

Emri i Klajdi Dokolit ka dalë nga dëshmia e bashkëpuntorit të prokurorisë Ervis Bardhi, i cili ka pohuar se njeriu që informonte Çapjat për gjithçka ishte pikërisht miku i tyre, Klajdi Dokoli.

Madje, bashkëpuntori Bardhi, ka treguar s Dokoli, ka qenë prezent në disa takime me Çapjat, takime në të cilën është kryer dhe skenari për realizimin e vrasjes së Gentian Beqirit, brenda në banesën e tij në Elbasan, ku qëndronte në masën e “arrestit në shtëpi”.

Me arrestimin e Dokolit shkon në katër numri i personave të prangosur për vrasjen e babë e bir në Elbasan. I pari që është arrestuar është Ervis Bardhi dhe më pas Etien Cani u ndalua në Itali, ndërsa një muaj më parë u arrestua në Athinë Jorgo Leku, një tjetër mik i familjes Çapja, që besohet se ka marë pjesë direkt në vrasjen e Gentian e Nezir Beqiri.

Leku, besohet se ka rrahur dhunshëm të moshuarin Beqiri, sapo ai pa momentin kur ju vra djali i tij, Gentiani në dhomën e gjumit. Për shkak të britmave të Nezir Beqirit, Olsi Leku, ka marë një jastëk dhe e ka mbytur, brenda në korridorin e apartamentit ku ndodhi krimi.

Pritet që operacioni dhe arrestimet për këtë ngjarje të vijojnë më tej, dhe ka shumë gjasa që kjo dosje ti kalojë prokurorisë së posaçme SPAK, pasi autorët kanë vepruar me detyra të ndara dhe të mirëorganizuar me njëri-tjetrin, ku qëllimi i vetëm ka qënë ekzekutimi në banesë të hasmit të Çapjave, Gentian Beqiri.