Arrestohet sërish "i forti i Myslym Shyrit", dyshohet si porositësi i atentatit me eksploziv në Kamëz

Policia e Tiranës, nën drejtimin e Prokurorisë ka zbardhur ngjarjen e ndodhur më 9 shkurt të këtij viti në rrugën “Silvio Berluskoni”, Kamëz, ku u tentua të vritej me ekspoloziv të telekomanduar shtetasi Gjon Mena.

Si rezultat i hetimeve është bërë e mundur arrestimi i tre autorëve të dyshuar të ngjarjes, shtetasit: 

Gjergj Cukali, 42 vjeç, lindur dhe banues në Tiranë, i dënuar më parë për veprat penale të ‘Rëmbim personi’ ‘Vrasje me paramendim’, ‘Prodhimit dhe shitjes së lëndëve narkotike’ dhe ‘Mbajtjes pa leje të armëve dhe municioneve luftarake’, si dhe janë arrestuar dhe dy vëllezërit Enver J, 33 vjec, dhe Edmond J, 24 vjec, lindur dhe banues në Tiranë.

Porositësi i atentatit dyshohet se ka qenë Gjergj Cukali ose i njohur ndryshe si "i forti i Myslym Shyrit", ndërsa dy të arrestuarit e tjerë dyshohet se kanë vendosur lëndën eksploziv në tokë, poshtë mjetit "BMW X5" të shtetasit Gjon Mema. Ata e kanë shpërthyer në momentin që drejtuesi i automjetit është afruar dhe ka shkelur pultin, duke e lënë të plagosur jashtë rrezikut për jetën.

Materialet në ngarkim të shtetasve Gjergj Cukali, Enver J. dhe Edmon J. i janë dërguar Prokurorisë së Rrethit Gjyqësore Tiranë, për veprat penale të ”Vrasje me paramendim”, e mbetur në tentativë,e kryer në bashkëpunim, “Shkatërrimi i pronës me eksploziv”, “Mbajtje pa leje dhe prodhim i armëve, armëve shpërthyese dhe municionit”.

Gjon Mena, të cilit iu vu atentat, është një emër i skeduar nga policia. Ai ka qenë i arrestuar për armëmbajtje pa leje, ndërsa dyshohet se jashtë vendit ka kryer vepra penale si grabitje, në Itali dhe Francë.

Kush është Gjergj Cukali? 

Ai njihet ndryshe dhe si "i forti i Myslym Shyrit". Më 24 nëntor 2006, Gjykata e Krimeve të Rënda e dënoi Gjergji Cukalin me akuzën e heqjes së paligjshme të lirisë ndaj shtetasit F.D., ngjarje e ndodhur në vitin 2004.

Ndërkohë në korrik të 2016, ai u arrestua në kuadër të operacionit të koduar “Tangent”, ku Cukali ishte drejtuesi i një rrjeti të shpërndarjes së kokainës. Pas këtij arrestimi iu zbulua dhe identiteti tjetër, Ergi Hoxha. Ai arrin të dalë sërish vetëm pas një viti qëndrimi në qeli. Një vendim i Kolegjit Penal të Gjykatës së Lartë që mban datën 24 Maj 2017, i dha lirinë Gjergji Cukalit duke vendosur masë sigurie “arrest shtëpie” për shkak të gjendjes së tij shëndetësore, pasi vuante nga astma bronkiale dhe kishte kriza të shpeshta.

Në vitin 2018 arrestohet sërish për thyerjen e masës së sigurisë. 40-vjeçari “i dënuar me masën e sigurisë ‘Arrest në shtëpi’, për veprën penale “Prodhimi dhe shitja e narkotikëve”, është kapur në flagrancë larg banesës së tij pasi kishte shkelur vendimin e Kolegjit Penal të Gjykatës së Lartë”, njoftonte atë kohë policia e Tiranës.

Në vitin 2018 arrestohet sërish për thyerjen e masës së sigurisë, pasi u kap në flagrancë larg banesës duke shkelur vendimin e Kolegjit Penal të Gjykatës së Lartë”, njoftonte atë kohë policia e Tiranës.

Në maj të vitit 2019 u arrestua sërish pasi u akuzua për një tjetër vepër të rëndë penale, atë të vrasjes me paramendim. Hetuesit pretendojnë se kanë prova të forta që vërtetojnë përfshirjen e tij në vrasjen e ish-efektivit të policisë Arben Bilali me 30 janar 2019.