Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nivel rekord në mars/ Nga drithërat dhe vaji te qumështi, FAO tregon me shifra ndryshimin që pësuan çmimet

Politiko 8 Prill 2022, 11:12

Nivel rekord në mars/ Nga drithërat dhe vaji te qumështi, FAO

Pogrami Botëror i Ushqimit në Kombet e Bashkuara (FAO) thotë se indeksi i çmimit të ushqimeve ka shënuar një rritje të kosniderueshme në muajin mars.

Çmimet botërore të mallrave ushqimore bënë një hap të rëndësishëm në mars për të arritur nivelet e tyre më të larta ndonjëherë, pasi lufta në rajonin e Detit të Zi përhapi tronditje në tregjet për drithërat bazë dhe vajrat bimore, thotë FAO.

Indeksi i Çmimeve të Ushqimit të FAO-s ishte mesatarisht 159.3 pikë në mars, 12.6 për qind më shumë nga shkurti, kur ai kishte arritur tashmë nivelin e tij më të lartë që nga fillimi i tij në 1990. Indeksi gjurmon ndryshimet mujore në çmimet ndërkombëtare të një shporte mallrash ushqimore. Niveli i fundit i indeksit ishte 33.6 për qind më i lartë se në mars 2021.

Indeksi i çmimit të drithërave të FAO-s ishte 17.1 për qind më i lartë në mars se në shkurt, i nxitur nga rritja e çmimit të grurit si rezultat i luftës në Ukrainë. Federata Ruse dhe Ukraina, së bashku, përbënin përkatësisht rreth 30 për qind dhe 20 për qind të eksporteve globale të grurit dhe misrit, gjatë tre viteve të fundit.

Çmimet botërore të grurit u rritën me 19.7 për qind gjatë muajit. Ndërkohë, çmimet e misrit shënuan një rritje prej 19.1 për qind nga muaji në muaj, duke shënuar një rekord të lartë së bashku me ato të elbit dhe melekuqes.

Indeksi i çmimit të vajit vegjetal, FAO thotë se u rrit 23.2 për qind, i nxitur nga kuotimet më të larta për vajin e farës së lulediellit, nga i cili Ukraina është eksportuesi kryesor në botë. Çmimet e vajit të palmës, sojës dhe rapes u rritën ndjeshëm si rezultat i çmimeve më të larta të vajit të farave të lulediellit dhe rritjes së çmimeve të naftës bruto, me çmimet e vajit të sojës të mbështetur më tej nga shqetësimet për reduktimin e eksporteve nga Amerika e Jugut.

Ndërsa indeksi i çmimit të sheqerit u rrit 6.7 për qind nga shkurti, duke përmbysur rëniet e fundit për të arritur një nivel më shumë se 20 për qind më të lartë se në mars 2021. Çmimet më të larta të naftës së papërpunuar ishin një faktor nxitës, së bashku me vlerësimin e monedhës së Realit brazilian, ndërkohë që perspektivat e favorshme të prodhimit në Indi parandaloi rritje më të mëdha mujore të çmimeve.

Indeksi i çmimit të mishit u rrit me 4.8 për qind në mars, duke arritur nivelin më të lartë të të gjitha kohërave. Çmimet ndërkombëtare të shpendëve u forcuan gjithashtu në hap me furnizimet e reduktuara nga vendet kryesore eksportuese pas shpërthimeve të gripit të shpendëve.

Edhe indeksi i çmimit të qumështit u rrit 2.6 për qind dhe ishte 23.6 për qind më i lartë se në mars 2021, pasi kuotimet për gjalpin dhe pluhurat e qumështit u rritën ndjeshëm mes një rritjeje të kërkesës për importe për dërgesa afatshkurtra dhe afatgjata, veçanërisht nga tregjet aziatike.

FAO uli parashikimin e saj për tregtinë botërore të drithërave në vitin aktual të marketingut në 469 milionë ton, duke shënuar një tkurrje nga niveli 2020/21, kryesisht për shkak të luftës në Ukrainë dhe bazuar në informacionin aktualisht në dispozicion. Pritjet tregojnë për rritjen e eksporteve të grurit nga Bashkimi Evropian dhe India, ndërsa Argjentina, India dhe SHBA-ja dërgojnë më shumë misër, duke kompensuar pjesërisht humbjen e eksporteve nga rajoni i Detit të Zi.