Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Arsyetimi ironik i qeverisë: Pezullimi i Ballukut do të pengonte 800 tendera kombëtarë

Politiko 25 Nëntor 2025, 18:59

Arsyetimi ironik i qeverisë: Pezullimi i Ballukut do të pengonte 800

Këshilli i Ministrave dërgoi një kërkesë në Gjykatën Kushtetuese për pezullimin e Belinda Ballukut me vendim të GJKKO nga posti i zv/kryeministres dhe ministres së Infrastrukturës dhe Energjisë.

Në kërkesën e qeverisë, sqarohet se vendimi i GJKKO-së ndërhyn drejtpërdrejt në kompetencat e tre institucioneve të larta të shtetit kryeministrit, presidentit dhe Kuvendit.

Qeveria kërkon që vendimi të pezullohet vetëm për pjesën që ka të bëjë me detyrën e Ballukut, duke argumentuar se kjo ndikon në interesa të larta shtetërore dhe shoqërore, shkelja e të cilave në fakt i dha Ballukut statusin e pandehur.

“Pezullimi sjell pasoja të rënda të interesit shtetëror e shoqëror duke krijuar vakuum institucional pasi pamundëson propozimin e projekteve me rëndësi kombëtare për integrimin në Bashkimin Evropian, rreth 800 projekte për tu miratuar deri në fund të 2027 nga ministria që udhëhiqet nga ministri, i cili është pezulluar nëpërmjet vendimit të GJKKO-së”, arsyeton Këshilli i Ministrave.

GJKKO vendosi pezullimin e Ballukut nga detyra dhe ndalimin e saj për të dalë jashtë vendit, pasi ajo është e pandehur për tenderin e tunelit të Llogorasë dhe nën hetim për tenderin Lot 4 të Unazës së Madhe. Gjykata arsyetoi se ekzistonte rreziku që Balluku të prishte prova, të intimidonte dëshmitarë ose të kryente vepra të tjera të rënda për shkak të detyrës së saj.

Arsyetimi ironik i qeverisë: Pezullimi i Ballukut do të pengonte 800

Të fundit