Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

E-TJERA

Artan Hoxha: Veliaj ka drejtuar mbledhje me video-call nga burgu, janë mbledhur të gjitha telefonat në paraburgimin e Durrësit

Politiko 24 Mars 2025, 16:15

Artan Hoxha: Veliaj ka drejtuar mbledhje me video-call nga burgu, janë
Gazetari Artan Hoxha ka bërë një deklaratë të fortë lidhur me kryebashkiakun e Tiranës, Erion Veliaj, duke pohuar se ai ka drejtuar mbledhje me video-call nga qelia. Gjatë një interviste në Euronews Albania, Hoxha theksoi se Veliaj ka zhvilluar komunikime me njerëzit e tij gjatë qëndrimit në paraburgimin e Durrësit, gjë që ka detyruar autoritetet të ndërhyjnë për kontrollin e telefonave.

Sipas Hoxhës, mbledhjet e Veliajt janë zhvilluar përmes mjeteve që nuk përfshijnë celularët e policëve, por fakti që ai ka arritur të drejtojë mbledhje nga burgu ka shkaktuar shqetësim në autoritete. Në paraburgimin e Durrësit janë sekuestruar të gjitha telefonat pas zbulimit të këtyre komunikimeve.

"Ai thotë që ia keqinterpretuan vendimin. Po si ia keqinterpretuan? Ai fliste me drejtorin juridik. Pse u shkarkua drejtori juridik, gjithashtu edhe nënkryetarja e bashkisë që donte të emëronte ai? Këta janë vetëm ata që janë publikuar, por në bashki është bërë nami, janë shkarkuar dhe të tjerë," tha Hoxha.

Gazetari theksoi se Veliaj, duke menduar se gëzonte pushtet të pakontestueshëm, ka vijuar komunikimet nga burgu për të mbajtur kontrollin mbi çështjet administrative të bashkisë.

“Erion Veliaj në mirëbesim e sipër, duke menduar se ishte njeriu i pushtetshëm, ka komunikuar dhe nga burgu, ka bërë mbledhje nga burgu. Ai nuk e ka bërë me celularin e policëve, por për shkak të tij tani janë mbledhur gjithë telefonat e burgut. Ai është mbajtur si burgu më liberal deri më tani në Shqipëri. Por kur ti vjen dhe bën atë luftë që bën me prokurorin dhe nga ana tjetër kërkon të bëjë mbledhje me stafin e tij nga burgu,” vijoi Hoxha.

Ndërkohë, Hoxha shtoi se pas publikimit të listave të kandidatëve për deputetë të Partisë Socialiste, mbështetësit e Veliajt janë rralluar.

“Tani i janë rralluar fare vizitat. Më parë i shkonin mbështetës. Që kur ka dalë lista e Ramës për deputetët për Tiranën, një pjesë e mirë e tyre, që kanë qenë njerëz të afërt të tij, nuk i shkojnë më,” tha ai.

Kjo deklaratë e Hoxhës pritet të shkaktojë reagime të forta, pasi hedh dritë mbi komunikimet e Veliajt gjatë qëndrimit në paraburgim dhe tensionet e krijuara mes tij dhe lidershipit të Partisë Socialiste.

Të fundit