Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Artan Lame shërohet nga COVID-19: Secili prej nëpunësve ka vendin e tij në llogoren e gjatë të kësaj lufte

Politiko 27 Tetor 2020, 16:43

Artan Lame shërohet nga COVID-19: Secili prej nëpunësve ka vendin

Drejtori i Përgjithshëm i Kadastrës, Artan Lame është shëruar nga COVID-19. Përmes një postimi në faqen zyrtare të Kadastrës, Lame bëri me dije se rikthyer në punë. Gjatë kohës që ishte në karantinë, Kreu i Kadastrës humbi babain që ishte i sëmurë rëndë.

Lame nuk i ka harruar as  kolegët e tij gjithashtu të prekur nga virusi,  duke thënë se secili prej tyre ka vendin e tij në llogoren e luftës. Ai garanton se Kadastra ka vijuar punën normalisht dhe shërbimi nuk është ndërprerë për asnjë ditë.

Postimi i plotë:

LLOGORJA JONË

Unë sot dola nga karantina e kovidit. Kur unë u diagnostikova me këtë punë, shkruan gazetat. “Drejtori i përgjithshëm i Kadastrës me kovid!”, “Lame zë shtratin me kovid!” Ndoshta normale kjo, se helbete, goxha direktor!.
Por bashkë me mua, ato ditë ishin në shtrat edhe 24 punonjës të tjerë të Kadastrës. Për ta nuk shkroi njeri, veç të afërmve të tyre.

Sot që unë u ktheva në zyrë, janë në shtrat 36 punonjës dhe çdo ditë bien të tjerë. As për ta nuk shkruan njeri, se janë njerëz të zakonshëm, specialistë kokëulur.
Më lejoni të shkruaj unë dy fjalë për ta.
Kjo është luftë. Secili prej nëpunësve të shtetit shqiptar ka vendin e tij në llogoren e gjatë të kësaj Lufte.
Me gjithë këta “të rënë” në krye të detyrës, Kadastra vijon të punojë normalisht. Janë kolegët e tavolinës ngjitur, që vijojnë punën e kolegut që ka zënë shtratin. Dhe shërbimi nuk është ndërprerë për asnjë ditë, as për qytetarët, as për institucionet, as për procesin e rindërtimit, as për legalizimet, duke pritur secili në postin e tij që … t’i vijë radha e … krevatit.
Ej çuna dhe goca, ju që ende jeni në detyrë “Punë të mbarë!”; dhe ju që kini zënë shtratin “Shërim të shpejtë!” dhe sa më pak dhimbje!

Të fundit