“Athina si Çikagon e viteve ’30”/ Shqiptari vret një shofer, plagos dy policë dhe më pas ekzekutohet

Një ngjarje kriminale ka ndodhur mbrëmjen e djeshme në Athinë, ku u përfshi një shqiptar.

Mediat greke e kanë cilësuar Athinën e së shtunës si “Çikagon e viteve ’30”, për shkak të incidenteve të shumëfishta në rrugët e kryeqytetit.

Si pasojë e të shtënave me armë zjarri të ndodhura brenda pak minutash në lagjet Kato Patisia dhe Agioi Anargyrou, humbën jetën dy persona dhe u plagosën dy të tjerë, mes të cilëve dy policë.

Në shkëmbimin e rrugëve Georgiou Nazou dhe Kourtidou janë kryqëzuar dy makina, drejtuesit e të cilave kanë debatuar ashpër dhe janë konfliktuar me njëri tjetrin.

Shoferi i parë, një shtetas shqiptar, doli nga makina dhe hapi zjarri duke plagosur rëndë drejtuesin tjetër, i cili ndërroi jetë në spital.

Nga paniku, pasagjeri që ndodhej në makinë me drejtuesin që humbug jetën, doli nga makina për t’u larguar dhe u përplas nga një automjet që kalonte, duke u plagosur lehtë.

Pas ngjarjes, shqiptari braktisi makinën dhe nën kërcënimin e armës ka ndaluar një automjet tjetër që kalonte, duke zbritur me forcë drejtuesin. Ai mori makinën dhe u largua nga zona.

Më pas, shqiptari ka tentuar të kryejë një grabitje me armë në një pikë karburanti në zonë. Aty ka braktisur makinën e vjedhur dhe ka tentuar të largohet në këmbë. Duke parë makinën e patrullës së policisë që po shkonte në vendngjarje, ai e ka ngatërruar me taksi dhe iu afrua.

Në momentin që ka kuptuar se ishte automjeti i policisë ka qëlluar mbi policët, të cilët iu kundërpërgjigjën me armë duke e vrarë. Dy efektivët e policisë mbetën të plagosur lehtë, nga të shtënat.