Regjistrim audio/ “Më punësoi sekser”, gazetari Noka i përgjigjet Doçit: Shihemi në gjyq!

Një audio-përgjim i gazetarit të Carlo Bollinos, Adriatik Doçi ku tregon mënyrën se si i vendos gjob biznesmenëve të ndryshëm, por edhe politikanëve të lidhur me qeverinë e Edi Ramës po bën namin në media, kjo dhe për faktin se Doçi është cilësuar shpesh si “gazetari i Rilindjes”. Ky audiopërgjim mësohet se është publikuar nga portali “PublikTVLive” në pronësi të gazetarit Naim Noka.

Gjithë kjo “luftë” mes të dy gazetarëve ka nisur për faktin se Doçi, i përfolur si drejtues i “Prapaskena.com”, në këtë portal publikon tekste duke përdorur një gjuhë të ashpër, fyese dhe kërcënuese, dhe një nga "viktimat" e tij ka qenë dhe gazetari Noka.

Pas reagimeve të shumta në rrjet për audio-përgjimin gazetari Doçi me anë të një postimi në Facebook, u përpoq të shpjegonte se ai nuk është gjobëvënës, por se me njohuritë e tij vetëm i ka shpjeguar sesi funksionon tregu i reklamave në Shqipëri.

Doçi shprehet në këtë postim se ai nuk shantazhohet lehtë dhe hedh akuza në drejtim të gazetares që sipas tij ka realizuar audio-çimkën, duke thënë se po keqpërdoret nga një person i tretë, duke iu referuar Naim Nokës.

Reagimi i Adriatik Doçit në Facebook

Miq, e ndiej detyrim moral dhe në respekt të fytyrës që kam, të bëj një sqarim për një audio-çimkë të publikuar sot.
Një kolege gazetare, duke pirë kafe, më pyet se si funksionon tregu i reklamave në media. Dhe unë i shpjegoj që kur me një biznes ke marrëveshje reklamimi, nuk mund të publikosh lajme kundër tij.
Ky është një realitet i rëndomtë. Një bisedë që mund ta bëj 1 mijë herë.
Barra morale bie mbi kolegen që përgjon biseda në tavolinë me telefon. Megjithatë e mirëkuptoj kolegen dhe më vjen keq që po e përdorin.
Kush më njeh e di që nuk shantazhohem. Të gjithë dashamirësit e mi të rrinë të qetë.
Unë nuk kam as media dhe as nuk kam lidhur kontratë me askënd, por pa dyshim që kam akses në media.
Publikuesi është një pseudodazetar i quajtur Naim Noka, të cilin dyshoj se kanë paguar. Nuk ka lidhje me gazetarinë.
U kujtova se ky tipi më ka ndërhyrë disa herë për të hequr shkrime. Madje, një herë, më ka marrë në mesanatë si sekser.
Nëse do të bëjë gazetari, të tregojë nëse pagoi gjë për porosinë që unë i kreva në atë rast? Ky është morali dhe burrëria.
Unë po godas korrupsionin dhe po nxis drejtësinë e re për të çuar drejt burgur ish ministra dhe ish kryeministra. Për mua, sulme të tilla janë të parashikueshme.

Mirëpo menjëherë pas këtij postimi, Doçi ka marrë dy reagime të menjëhershme si kundërpërgjigje po në Facebook, nga gazetari Naim Noka i cili pretendon se ka marrë SMS kërcënuese nga Doçi.

Gazetari në fjalë i ka  postuar mesazhet kërcënuese po në “PublikTVLive” dhe në Facebook shkruan: “Dy fjalë ‘patllakes gjobëmedia’. Unë në të drejtën time profesionale nuk shantazhohem e frikësohem nga sms e tua Adriatik! Më shpejtove botimin e Pjesës Nr.2”.

Ndërkohë këtë publikim e pasoi një shkrim në portalin “Prapaskena.com”, që menaxhohet nga Adriatik Doçi, me titullin “Kush është Naim Noka sekseri i Hasan Selimit e Gjicit.

Po ashtu Noka me anë të një tjetri reagimi shprehet se vetëm fotoja dhe të dhënat e tij janë të vërteta, ndërsa pjesa tjetër e shkrimit është baltosje e emrit të tij.

Noka nënvizon se do të padisë në gjykatë Adriatik Doçin për shkrimin në fjalë.

“O “Patllake” gjobaxhiu ! Vetem foton me emer dhe mbiemrin tim i ke të verteta. Të tjerat janë kazan-adriatik-sahan! Unë nuk kam kohë për ty por avokati im te rezervon një padi për shpifje. Ruaje këtë shkrimin se do të kushtojë ca lekë në gjykatë. Avazi …. E ndjej detyrim moral të të them për herë të fundit se po me konsumon kohën e videove të tjera dhe je krenar por pak i menderosur! Mos e trazo më. Avazi… padia mos e hiq shkrimin tek ‘patllakeprapaskena’   SMS e kam provë!”, shkruan Noka në Facebook.