Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Auditi i KLSH për Onkologjikun: Pajisja e Brakiterapi nuk funksionon, 600 gra paciente pa trajtim

Politiko 29 Gusht 2023, 11:37

Auditi i KLSH për Onkologjikun: Pajisja e Brakiterapi nuk funksionon, 600

Këshilli i Lartë i Shtetit (KLSH) ka përgatitur një raport përfundimtar mbi auditin që ka kryer për trajtimin e sëmundjeve tumoriale te Shërbimi Onkologjik pranë QSUT.

KLSH ka vënë re disa shkelje, pasi në Spitalin Onkologjik nuk është funksionale pajisja mjekësore e Brakiterapi (Kyriterapi), gjë e cila ka shkaktuar mos trajtimin për 600 gra paciente me CA gjinekologjik me radioterapi, duke rrezikuar shëndetin e tyre.

Në raport theksohet se mos vendosja në funksion e aparatit të Ortovoltazhit, nga Drejtoria e Përgjithshme e Qendrës Spitalore Universitare “Nënë Tereza” për mungesë të ambienteve ka sjellë mostrajtimin e 200 pacientëve me radioterapi që vuajnë nga tumoret e lëkurës (melanoma).

“Drejtoria e Përgjithshme e Qendrës Spitalore Universitare Tiranë, “Nënë Tereza” nuk ka arritur në kohë për sigurimin e elementëve “Tubusa, Pompa dhe Maska termo plastike) duke mos ofruar shërbim për 250 pacientë me shërbim radioterapi në Spitalin Onkologjik.

Në spital mungon sistemi i kondicionimit, dhomat e pacientëve të katit të lll kanë prani të lagështirës si edhe kati nëntokë i godinës se është jofunksional i cili aktualisht shërben si një vend grumbullimi për pajisjet e amortizuara. Niveli i papastërtisë në katin nëntokë është mjaft i lartë dhe përbën risk potencial për infektime”, thuhet ndër të tjera në raport.

Më tej është arritur në përfundimin se mos sigurimi i pajisjes mjekësore të Braniterapisë të disa elementëve (Tubusa, Pompa dhe Maska termo plastike), mosrehabilitimi i ambienteve për përshtatjen e vendosjes së pajisjes së Ortovoltazhit si dhe mostrajtimi në kohë i pacientëve që kanë nevojë për to, tregon se shërbimi i spitali Onkologjik në trajtimin e sëmundjeve tumorave (për periudhën në auditim), nuk ka efektivitet të plotë,.

Kërkohet që Drejtoria e Përgjithshme e Qendrës Spitalore Universitare Tiranë “Nënë Tereza” në bashkëpunim me Polin e Administrimit të Integruar të Spitalit Onkologjik, të marrin masa për sigurimin e pajisjeve të Brankiterapisë, të elementëve (Tubusa, Pompa dhe Maska termo plastike) si edhe rehabilitimin e ambienteve për vendosjen e aparatit të Ortovoltazhit për trajtimin e pacientëve me sëmundjet tumorale.

Të fundit