Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Avokati ngre dyshime të forta për zjarrin në Institutin e Mjekësisë Ligjore

Politiko 21 Nëntor 2023, 12:43

Avokati ngre dyshime të forta për zjarrin në Institutin e

Një zjarr i ka përfshirë disa zyre të Institutit të Mjekësisë Ligjore të Kosovës në Prishtinë.

Lidhur me këtë ngjarje, dyshime të forta ka hedhur avokati Xhevdet Smakqi, ndërsa shpërthimin e zjarrit në këtë institut, ai ka tentuar ta ndërlidhë me intervistimin e Ministres së Drejtësisë, Albulena Haxhiu, nga Prokuroria për rastin e Astrit Deharit.

Përmes një postimi në Facebook, Smakqi shkruan se zhdukja e provave për rastin ‘Dehari’ dhe djegien e IML-së në mandatin e Qeverisë Kurti nuk duken “rastësi”.

Postimi i Plotë:

“Disa pikëpyetje të mëdha? As pa u bërë 24 orë pas intervistimit të Albulena Haxhiut nga Prokurori i rastit Dehari u dogjën Zyrat me dokumente te Institutit te Mjekësisë Ligjore. Pse pikërisht në këtë moment qoftë dhe aksident i zjarrit pse, pse????? Instituti i Mjekësisë Ligjore, si Agjenci është në varësinë e udhëheqjes së Ministres së Drejtësisë, pra Albulena Haxhiut.

Dëmet nga djegia e dokumenteve laboratorike në IML të rasteve nën hetime dhe atyre që nuk janë zbardhur dëmtojnë shumë punën e Prokurorisë së Shtetit dhe arritjes së Drejtësisë së Kosovës për t’i identifikuar kryesit dhe mbrojtur viktimat e krimit palët e dëmtuara. Prandaj zhdukja e monstrave të rastit Dehari dhe djegia e IML-se si dy “rastësi” në mandatin e Qeverisë Kurti nuk duken rastësi ose nuk mund të jenë rastësi”, ka shkruar ai.

Ai ka kërkuar që këto ngjarje të hetohen në aspektin penal.

“Këto dy veprime te supozuara aksidente duhet te hetohen thellësisht në aspektin penal. Kurse në anën e përgjegjësisë politike duhet të pasojnë me shkarkimin e Ministres së Drejtësisë, Albulena Haxhiut ose dorëheqjen e saj për shkak të përgjegjësisë objektive etike dhe moralit politikë nëse iu ka mbetur ndonjë gramë”, ka shkruar Smakiqi.

Të fundit